(Taariikhaha 5 Feb iyo 23 Feb iyo shaqsiyaadka xilka ummadda xilligan hayaba, waxay ahaan doonaa qaar ay shacabka reer Somaliland xasuusan doonaan,wanaag iyo xumaan hadba kay ku xasuusan doonaana ILLAHAY ayuun baa og)
Shirka London
Waa run in 5 Feb 2012 in ay ogolaadeen in laga qayb galo Shirka London labada Gole,Golaha Wakiilada iyo Golaha Guurtida .Ka horna waxaa sii ogolaaday madaxdhaqameedka(Salaadiinta),waxaa iyana la yaab noqonay markay labada Xisbi ee Mucaaridka ahi iyana qalinka ku duugeen in Dowlada Somaliland ka qayb gasho Shirka London ka dhacaya 23/02/12. Fadhi ay labada ay labada Gole yeesheen 5 Feb 2012 waxay si wada jir ah qalinka ugu duugeen in ay meesha ka saaraan qodob aad u muhiim ahaa oo ay Golayaashu laftoodu hore u ansixiyeen kaas oo odhanayey “cid kasta oo reer Somaliland ah, kana qayb gasha Shirarka Soomaaliya loo qabanayo,wuxuu ku sifoobayaa dembiile qaran,horuna waxaynu u diidnay Shirir ka muhiimsanaa,ka wax tar badnaa kan London lagu qaban doono.
London 23.02.12 waxaa London lagu qaban doonaa Shir balaadhan,waxaa ka soo qayb galayaa Dowlado fara badan sida ay sheegtay Wasaarada arimaha Dibada ee Ingiriisku,ma jiro wax Liis ay oo ay ku qoran yihiin magacyada Dowladaha iyo Ururada Shirka ka soo qayb galaya,laakiin waa la hubaa in ay ka kala iman doonaan qaaradaha dunidan aynu ku nool nahay,ogaadana kuma jiraan Dowlado iyo Ururo Dayaxa ka imanaya oo uu magaca Somaliland ku cusub yahay.
Ajandaha Shirka:-
Security: sustainable funding for the African Union Mission in Somalia (AMISOM), and support for Somali security and justice sectors
• Political Process: agreement to what should succeed the transitional institutions in Mogadishu in August 2012 and the establishment of a Joint Financial Management Board
• Local Stability: a coordinated international package of support to Somalia’s regions
• Counter-terrorism: renewed commitment to tackle collectively the terrorist threat emanating from Somalia
• Piracy: breaking the piracy business model
• Humanitarian: renewed commitment to tackling Somalia’s humanitarian crisis
• International coordination: agreement on improved international handling of Somalia issues
Sida Somaliland Shirka uga qayb gelayso:-
Sida Somaliland shirka uga qayb galaysaa waa mid cad oo aan wax mugdi ahi aanu ku jirin waxayna tahay:-
1. Somaliland weli lama aqoonsan,oo ma fadhiisanayso halka ay fadhiisanayaan Dowladaha shirka ka soo qayb galayaa.
2. Waxaynu fadhiisanaynaa halka ay fadhiistaan Maamulada ka jira Soomaaliya,waa cadaan ,waxaynu ka mid noqonaynaa,laynoola dhaqmayaa si la mid ah sida loola dhaqmo Puntland,Galmudug,Ehlusuna wajamaaca iwm.
3. Dowlada TFG ee Soomaaliya ,iyada waxaa loola dhaqmayaa sidii Dowlad la aqoonsan yahay,soo dhoweynta,qaabilaada iyo ka qayb qaadashada Shirkaba.
4. Somaliland waxaa la siiyey waqti aad u yar in ay ka hadasho shirka,sida maamulada kale ee Soomaaliya,mana jirto wax tixgelin gaar ah oo ay Somaliland shirka ku leedahay.
5. Runtii waa wax lala yaabo,lagana xishoodo shaqsiyaadka ku sheekaynaaya Somaliland waxaa la fadhiisinayaa meel gaar ah,muraayad ayey ka daawanaysaa Shirka iwm.
6. Dowlada Somaliland aad iyo aad ayey uga BEEN sheegaysaa Shirka London lagu qaban doono 23.02.12,waxaadna moodaa in ay Dowladu doonayso in ay fushato dan gaar ah,balse waynu u wada joogi doonaa.
7. Dowlada Uk,waxay mar kasta isticmaalaysaa erayga “Soomaaliya”,marar lagu qasbo oo keliya ayey isticmaalaysaa magaca Somaliland,taasina waxay marqaati cad u tahay in Shirku yahay Shir Soomaaliya loo qaabanayo.
Hadal iyo dhamaan anigu mar kasta waan ka soo horjeedaa in Somaliland ka qayb gasho Shirka London Soomaalida uga furmaya 23/02/12,waxaan ka soo horjeedaa in Somaliland ay la mid noqoto maamulada Soomaaliya ka jira xilligan,laakiin ceeb may ahaateen haddii Soomaaliya oo mid ah iyo Somaliland ay wada hadlaan,oo weliba ay ku wada hadlaan dhulkooda.
Xasuus Abwaan Ibrahim Gadhle-ILLAHAY naxariistii Jano ha siiyo!
Waar! hoy! dadkaygoow
Laba daan dhexdoodiyo
Dalqo bahal qof galayoo
Dirqi iyo tu fool adag
Debedda ugu soo baxay
Halkii shalayto lagu dilay
Ma dareemi waayee
Durba miyaa iloowdeen
Duunyadiinii dhacantiyo
In dadkiinii maqanyahay
Xusuus:
“Qof caashaq ayeynu naqaanaa” “Weli inta aynu meel fadhiisanay ma isweydiinay maxaa inoo dan ah? “Way howl yar tahay sida la idiin karbaashaa” “ dan la iima dooran ee ILLAHAY ayaa ii qoray”—–Erayadaa waxaa Khayrida Hargeysa ka yidhi ILLAHAY NAXARIISTI JANO HA SIIYEE Madaxweynihii hore ee Somaliland Md.Maxamed X.Ibrahim Cigaal.
“ Wada dhegayso haddii aad jeceshay ,ka eeg shabakada Halbeegnews.net amase youtube.
ALLAA MAHAD LEH
Qalinkii Abdi M.Saleiman(Mingiste)
Political Analyst
