Waxaynu la wada soconaa kaalinta ay saxaafaddu kaga jirto dalka ama mihnada ay dalka ugu fadhido, runtii waxaa wax lala yaabo ah wariye ka tirsan TV-ga caalamiga ah ee ay bulshaddu ku dhaadato in suxufi yari ka majaro habaabiyo hayaanka iyo halganka ay ugu jiraan saxaafadda xorta ah.
Waxayu ognajay in suxufi ku sifoobay cadaalad, in uu umadda u soo bandhigo warar xaqiiqo ku dheehantahay iyo in uu ummaddana uga faa’iideeyaan dhanka horrumarka iyo gaadhsiinta hadba waaqiciga jira, ee ma aha in loo adeegdado hab qabiilaysan.
Qaraal lagu baahiyey jariiradda Waaheen, cadadkeedii Sabtida ee taariikhdu ahayd 01/10/2011 fariinta akhristaha ku daabacay wariyahaasi, qoraal uu si caadifadaysan oo qabyaaladi ku dheehan tahay ugu taageeray maddaxda taladdda dalka ku jirta oo ay isku hayb yahiin, taasoo uu si indho la’aani ku jirto uga leexday waxa uu suxufi ku sifoobay, waxaanad moodaa in uu ka baxay saaxaadda oo ay ahayd in ummadda loogu adeego hab cadaaladi ku dheehantahay. Waxaanu Tv-ga caalamiga ah kula talinaynaa in ay wariyaas ka fogeeyaan in uu ummadda u qabto doodaha, taas oo keeni karta khatar iyo hoos-u dhacna ku keeni karta TV-ga caalamiga ah ee HCTV.
Waxa kale oo aynu ogsoonahay habka iyo hanaanka uu Xisbiga kulmiye ugu guulaystay hoggaaminta dalka, taasoo ka timi dareen shacbi iyo xisbiga oo ummadda ku raacday barnaamujka siyaasadeed ee xiliga u qornaa, maantana Dawladda Axmed Maxamed Siilaanyo u hoggaaminaayo aanay habayaraate ku fadhiyin barnaamijkii xisbiga iyo ka shaqsi ee madaxwayne. Waxaynu ka dharagsanahay maanta halka ay marayso arrimaha nabadgalyada dalka, arrimaha dibadda iyo arrimha bulshadda Somaliland.
Hadaynu soo qaadano ammaanka dalka waxaynu la soconaa maanta sida ay u xoogaysatay SSC da nabad diida ah iyo in lagu talo jiro in Buuhoodle, Cayn iyo Sool laga Hirgaliyo Maamul-gobaleed iyo in ergayga gaar ah ee Soomaaliya ku hawlan yahay sidii Somaliland uu u kala goyn lahaa, kaasoo ah Saaxiibka madaxwaynaha hadda taladda haya.
Waxa kale oo aynu ogayn in ciidamo shisheeye ay si badheedh ah u isicmaaleen oo ka soo gudbeen xuduudeena, taasoo aan abid ka dhicin xukumadii hore wakhtii ay taladda dalka hayeen.
Waxa kale oo aynu ka dharagsanahay in dalku u baahan yahay ictiraaf buuxda, wadadda kaliya ee loo mari karaana ay tahay in IGAD ku qancino qadiyadda Somaliland iyo Saaxiibadda Somliland, haday dalal yahiin iyo haday shaqsiyaad ba yahiin, taasina waa mid ay xukuumada Siilanyo ku fashilantay. Waxaa kale oo dalka soo maray abaaro ba’an oo umadda u gaystay khasaare isugu jira naf iyo maalba, taasoo aanay xukuumadu wixii yaraa ee hordhaca ahaa mooyaane aanay shaqo kale ku yeelan, halka ay lacagtii ummaddan baahan laga ururiyey ay Somaliland u dhashay in Sheekh Shariif ugu yeedho waa hordhaca calaamadaha nabadaynta Soomaaliya, taasina ifafaale u muujisay wadamadda u olaleeya Soomaali wayn.
Waxaa kale oo lama ilaaban ah in xumuumdda hadda joogta ay xukumaddiihii hore ku eedayn jireen, wax qabad la’aan iyo in hantida ummadda la burburinayo, waxaynu la soconaa in wasaarada qaar ay ka baxeen dhismayaasha ay ku jireen oo ay uga yaaceen dayac baanay lahayn iyo qaar hadda gacanta lagu hayo oo la xaraashayo, taasina kow ka tahay hantida ummadda ee la boobayo.
Waxa kale oo ay ummaddani la soctaa qandaraasyadii qaranka halka ay mareen iyo cida loo xil saaray. Hadaba waxaan kula talin lahaa ummadda laxejeclaysa Somalialnd inay u soo gurmaddaan dalka iyo dadkaba
Waxaan ku soo gababaynayaa Tix uu tiriyey Abwan Dhirbaaxo jin.
Hunuun iyo hanaan haduu hadal wax keenayo
Dhaaxaad hadhuub madhan nala horjoogtay
Waxaad maanta haysaad shalay fidin lahayde
Wanagii haraad ugu bakhtinay hogashii dayreede
Waa taad horwayntii baho ugu heshiiseene
Haleeladii irmaanayd nin kamu heline
Waydinkan hanbayn xeedhyihii wada hagoognaye
Maantana ayaad hodi shaalad heertay dunidee.
Waa qalinkii Maxamed Xuseen Jaamac (Roodhi)
