Waad salaamantihiin dhamaantiin, Waxaanse Maanta Qalinka u Qaatey in aan Qoraalkan idiin soo Gudbiyo ,Markii aan arkey dad badan oo Mareegaha iyo War Sidayasha ku Qoraya Qoraalo aan ku habooneen Anshaxa iyo Asluubta Saxaafada ,Warar beena oo lagu qoray mareegaha Somaliland taas oo lagu eedaynaayo in xildhibaano degaanka Burco iyo dad cuqaala ay u hanjabeen badhasaabka G/Togdheer ayaanu eedeyn balaaran dusha uga tuureynaa kuwii soo malmaluuqay,isla-markaana waxaan isku dayaaya in aan wax ka idhahdo arintaasi.
Dadka reer Burco waxay isku raacsanyihiin inay aad uga xunyihiin qaabka ay u dhaqmayaan kuwa fidmada iyo qabyaalada kula dhexjira dadka walaalaha ah Somaliland.
Waa been aan waxba ka jirin , wararka ku saabsan hanjaabada iyo hadalada aan xaqiiqada ahayn ee laga qoray arimahaa Badhasaabka G/Togdheer haddii aanu nahay reer Burco , waxaanu u soo dhaweynay si layaab leh oo xamaasad ku jirto, waxaana aanu haynaa kalgacal iyo inaan si fiican ula shaqeyno, aadna loo ixtiraamo waana caado ay Burco muddo badan caan ku ahayd
Waxaan idiin sheegayaa dadkaa hawlahaa ku dhex jira dhamaantiin Burco uma baahna fikir ku salaysan cadiifad qabyaalad qofka waa in lagu taageeraa wax qabadkiisa laguna mucaaradaa wixii uu leexiyo, dadka qaar waxaa jira ujeedadoodu ku salaysantahay jifo yar iyo arimo siyaasadaysan uga faa,ideysanaya dano gaar ahaneed oo ka dhigan hadal ku ciilbax waar Burco maanta waxaa way ka koreen jifo yar iyo mid wayn midna ma yaqaan, arrin lagu saleeyo qabyaalad umadan beri hore ka soo gudubtay , waxay yaqaaniin Somaliland inay tahay hal wadan oo ay leedahay cadaw faro- badan .
Geela Guunoow Haddii aad gun tahay Gaabso Hadalkaaga
Googarad hadduu kuu Gashoo Gurada Aad jiifto
Ganbadiina uu kaa Furoo kugu Garaacaayo
Gafuur dhidare haddii uu ku geyo Gaabso Hadalkaaga
Gaashaan inaad tahay Gunoow Guurmar Hadalkaayga
Garoocnimo Ma fiicniyo inaad hoos u gurataaye
Gaagaabso hadalkaaga waryaan Gaadh lagaa qabane?
Qofkii waxa qabiil ah Burco kaga hadlaa inaga ma ah waana ceeb. kii ka hadloow reer Burco Iyo Somaliland ma tihid waxaad tahay qof xanuunsanaya ama Dayday weyn.
Waxaan ka digayaa in aan Somaliland arimaheeda qabiil loo isticmaalin, Dadka hadalada qabiilka is ticmaalaya, ka jooga hadaldaas aan faa’iidada lahayn.
Dadka S/land waa daacad dulqaad badan, Waa duul Rabi deeqay, Dulmi aan ogolaaneyn, Deris wanaag loogu deeqay ee Daa’imow danahooda, Iyo danta guud ee deegaanka, Adigu uga dhowr Dugaaga, Aan dad iyo duunyo daryeeleyn.
Dadka ahlu cilmiga ah waxaa lagu gartaa: Waxay kala saaraan afkaartooda kala duwan iyo danta guud ee dadka iyo deegaanka. Somalilanders waa isku dan meel kasta oo ay adduunka ka joogaan,, kuwa afka dheer ee dabadda laga riixayana ha loo caqli celiyo. Dawladnimo waa wax la isku darsaday
Ummad waliba waxaay ku faantaa oo ay ku dhaqanta Diintooda iyo Dhagaankood ,Inagu hadaynu nahay Somali dad ahaan waxaaynu nahay dad Islama 100% Dhinaca kalena waxaaynu leenahay Dhaqaan fiican oo soo jireena. Ummada Islaamku waxaay kaga duwan yihiin Ummada kale Wanaaga ayeeynu isku Sheegna.
Ummada wanaagsani waa tii waxa xun iska reebta wax wanaagsana isku dhiiri galiya waxaa la hadlaya bahda saxafada oo aan u sheegaya in ay ka fogaadaan wax kasta oo dhibaato iyo xumaan Abuuraya oo dadka walalaha ah kala fogeynaya mar walba waa in aad dhanka wanagsan wax ka eegtan taasi ,oo u fiicaan noloshaada iyo akhiiradadaba.
By,Axmed suleiman
siciidosman@rocketmail.com
xamse30@hotmail.com
