Hargeysa (SLpost)- Guddiga Doorashooyinka Qaranka ee Somaliland, ayaa soo saaray Liiska kama dambaysta ee Murashaxiinta Golayaasha Deegaanka uga tatamaya Saddexda Xisbi Qaran Doorashada Isku-sidkan ee Goleyaasha Wakiillada iyo Deegaanka oo loo muddeeyey inay dalka ka qabsoonto 31-ka Bisha May 2021-ka.
Doorashada Isku-sidkan ee Goleyaasha Deegaanka iyo Wakiillada oo ka qabsoomaysa 20 ka mid ah 23-ka Degmo-doorasho ee dalku ka kooban yahay, kuwaas oo ay ku yaallaan 1,642 goob-doorasho, waxa lagu wadaa inay codadkooda ka dhiiban doonaan 1,297,838 codbixiye oo la diiwaangeliyey, sida ku xusan xogta ay baahiyeen Guddiga Doorashooyinka Qaranka.
Murashaxiinta Goleyaasha Deegaanka ee Liiskooda la shaaciyey maanta oo ka sharraxan saddexda Xisbi ee Kulmiye, Waddani iyo UCID, ayaa u tartamaya Goleyaasha Deegaanka 20 Degmo oo ku yaalla lixda Gobol ee waaweyn ee Somaliland, kuwaas oo derajooyinkoodu kala yihiin A, B, C iyo D.
Gobolka Maroodijeex ayaa ka kooban Afar Degmo oo loo tartami doono Goleyaashooda Deegaanka, kuwaas oo kala ah Hargeysa, Balligubadle, Gabiley iyo Sallaxley, Halka Gobolka Sool oo tiro taas la mid ah ka kooban loo tartami doono Goleyaasha Deegaanka magaalooyinka Laascaanood, Caynaba, Taleex iyo Xuddun.
Gobolka Ugu baaxadda weyn ee Somaliland ee Sanaag, waxa loo tartamayaa Goleyaasha deegaanka magaalooyinka Ceerigaabo, Ceel-Afweyn iyo Gar-adag. Halka Gobolka Togdheer loo tartami doono Goleyaasha Deegaanka magaalooyinka Burco, Oodweyne iyo Buuhoodle.
Magaalooyinka Boorama, Baki, Saylac iyo Lughaya oo nidaamka maamul ee Doorashooyinka ka tirsan Gobolka Awdal, waxa Goleyaashooda deegaanka ku tartamaya 126 Murashax oo ka sharraxan saddexda Xisbi ee Waddani, Kulmiye iyo UCID.
Gobolka Saaxil, ayaa isaguna ka kooban laba degmo ee Berbera iyo Sheekh oo ay ku tartamayaan 66 Murashax oo saddexda Xisbi ka tirsan.
Gobolka Maroodijeex
Gobolka Awdal
GOBOLKA SOOL
GOBOLKA SANAAG
GOBOLKA TOGDHEER
GOBOLKA SAAXIL
AKHRISO LIISKA MURASHAXIINTA GOLAHA WAKIILLADA SOMALILAND
Somalilandpost.net
contact@somalilandpost.net