Hargeysa(SLpost)-Madaxweyne Axmed Maxamed Siilaanyo ayaa soo magacaabay wasiir ku xigeenka wasaarada qorshaynta kadib markii uu hore isku casilay wasiir ku xigeenkii wasaaradaas oo isagana laga qabalay iscasilaadiisa.

waxa wasiir ku xigeenka qorshaynta loo magacaabay In Mudane, Cabdi Yuusuf Ismaaciil (Cabdi Wadaad) waxaana war-saxaafadeedkaas oo dhamaystiran uu u dhignaa sidan

WAR-SAXAAFADEED

Madaxweynaha Jamhuuriyada Somaliland, Mudane. Axmed Maxamed Silaanyo waxa uu

digreeto madaxweyne oo summadeedu JSL/M/XERM/249-3515/082018 ku magacaabay Wasiir Ku-xigeenka Wasaaradda Qorshaynta Qaranka iyo Horumarinta ee Jamhuuriyadda Somaliland. isagoo madaxweynuhu hore warqadii shaqo ka tegista ka aqbalay wasiir ku xigeenkii hore wasaaradda Cabdikariim Axmed Mooge.

Madaxweynaha:-

Markuu Arkay:                     Qodobka 90aad, Faqradiisa 2aad ee Dastuurka Jamhuuriyadda Somaliland;

Markuu Tixgeliyey:            Ahmiyadda weyn ee ay Wasaaraduhu u leeyihiin Dalka iyo Dhismaha Qaranka;       

Markuu Arkay:                     In baahi loo qabo buuxinta jagada Wasiir Ku-xigeenka Wasaaradda Qorshaynta Qaranka iyo Horumarinta ee JSL;

Markuu Ka Fiirsaday:   Kartidiisa, aqoontiisa iyo hufnaantiisa shaqo;

Markuu Ku Qancay:           In uu hanan karo xilkan loo magacaabay;

Wuxuu go’aansaday

In Mudane, Cabdi Yuusuf Ismaaciil (Cabdi Wadaad), laga bilaabo taariikhda maanta uu ahaado Wasiir Ku-xigeenka Wasaaradda Qorshaynta Qaranka iyo Horumarinta ee Jamhuuriyadda Somaliland.

ALLAA MAHAD LEH

Naasir Yuusuf  Daahir

Xoghayaha gaarka ah ee Xafiiska Saxaafada  Madaxtooyada ahna ku simaha Afhayeenka Madaxtooyada JSL.

Follow us On