Muqdisho (SLpost)- Kulan baroor-diiq ah oo ay ka qeyb galeen Madaxweynaha Soomaaliya Xasan Sheekh Maxamuud, Gudooomiyaha Baarlmanaka Maxamed Cusmaan Jawaari, Wasiirka Arrimha Gudaha iyo Amniga Cabdikariim Xuseen Guuleed, Xildhibaano, dibloomaasiyiin iyo masuuliyiin kale oo lagu xusayey Marxuum Danjire Axmed Maxamed Aadan Qeybe, ayaa caawa lagu qabtay Xarunta Madaxtooyadda Soomaaliya.
Dhammmaan masuuliyiintii ka qeyb gashay kulanka oo qaarkood hadalo jeediyey ayaa ku dheeraaday Taariikhdii Alle ha Naxariistee Marxuum Axmed Maxamed Aadan Qeybe oo ahaa wasiirkii Arrimaha Dibadda ee Somaaliya iyagoo tacsi u diray ehelada Marxuumka, islamarkaana tilmaamay in Marxuumku ahaa qof aad u jecel midnimada Umadda Soomaaliyeed.
Madaxweynaha Soomaaliya Xasan Sheekh Maxamuud ayaa Eebbe uga baryey in Axmed Qeybe Jannadii fardoowsa ka waraabiyo, waxaana hadalladiisa ka mid ahaa, “Waxa uu ahaa nin ku dayasho mudan, meel walba ayuu raad kulahaaa intii nolashiisa jirtayna wuxuu u qidmeynayey Umadda Soomaaliyeed. Allaah Naxariistii Janno hasiiyo, Samir Allaah haka siiyo ehelada iyo dhammaan Umadda Soomaaliyeed,”ayuu yidhi Madaxweyne Xasan Sheekh.
“Caawa waxaan u joognaa xuska Marxuum Axmed qeybe, xusuustiisa si aanu jirsiino mar-walba waxaan caawa halkan ka soo jeedinayaa maadaama Marxuum Axmed Nolashiisa inta badan ku qaatay dibloomaasiyadda in xarunta Wasaarada Arrimaha Dibadda Soomaaliya loogu magac daray Qeybe, wixii berri ka bilowda magaceeda laga dhigay Qeybe, si dhalinyaradda dambe ee Soomaaliyeed isku weeydiyaan Qeybe yuu ahaa ka dibna Taariikhdiisa iyo waxqabkiisa u helaan, waa dhaqan cusub oo bilow ah” ayuu yidh Madaxweyne Xasan Sheekh.
Marxuum Axmed Aadan Qeybe oo intii Somaliland madax-bannaanida kala soo noqotay Somaliya ku noolaa magaalada Hargeysa, ayaa ahaa Guddoomiyihii Baarlamankii Habka Beelaha ku Dhisnaa ee Somaliland, waxaanu todobaadkan ku geeriyooday Aas Qaran-na loogu magaalada Hargeysa, iyada oo Jinaasadda Marxuumka uu ka qayb-galay madaxweynaha Somaliland Md Axmed Maxamed Maxamuud Siilaanyo.
SOMALILANDPOST.NET
