Hargeysa (SLpost)- Munisaabid si heersare ah loo soo agaasimay oo lagu daahfurayay xarunta labaad shabakeda caalamiga ah ee Somalilandtoday.com, ayaa lagu qabtay Magaalada Hargeysa.
Xafladan oo ay ka soo qaybgaleen Madax ka tirsan xukuumada, hogaanka qaar ka mida Axsaabta Qaranka , madax-dhaqameedyo, suxufiyiinta ka tirsan warbaahinta iyo ardayda jaamacadaha dalka, ayaa saaka lagu qabtay hotel-ka Imperial ee Magaalada Hargeysa.
Waxaana khudbado kala duwan ka jeediyay madaxdii iyo qaar ka mida dadkii qaybgalay munaasibada, kuwaasoo muujiyay soo dhaweynta shabakeda oo ku biirtay warbaahinta Af-Soomaaliga ku hadasha.
Maareeyaha shabakeda Somalilandtoday ee Somaliland Saddaam Maxamed Axmed, oo ka hadlay xafladaas, ayaa ka waramay ujeedooyinka loo aas-aasay shabakeda.
“Shabakedan waxa aas-aaskeeda leh muwaadin reer Somaliland ah , oo suxufiya oo ku dhaqan wadanka Ingriiska Muniir Axmed Cigaal oo ahna masuulka ugu sareeya shabakeda , waxaana loo aas-aasay in ay wax ku soo kordhiso warbaahinta dalka ee casriga ah , Technolog-yada dunida iyo casriyayntu waxa ay gaadhay isdhexgalka caalamka oo ah in war helida ka fudaato sidii hore, awal wararku waxa ay qaadan jireen saacado badan. Muddo bil ah ka hor ayay shabakedu hawada soo gashay , waxaana intii ay muddadaa ku jirtay aanu kasbanay dad gaadhaya 30,000 oo booqde, waxa aanu doonaynaa in aanu samayno warbaahin ku sugnaato qanuunka oo ah sida ay warhaahinta kale uga diwaangashan tahay ee ay ruqsada uga haysto wasaarada warfaafinta iyo xafiiska xeer-illaainta guud” ayuu yidhi Saddaam Maxamed Axmed, waxaana uu intaas ku daray in shabakeda ay qorshaha ugu jirto in sameeyaan wargeys madaxbanaan, isla markaana ay ilaalin doonaan Shuruucda dalka iyo anshaxa saxaaafada.
Suldaan Saleebaan Boqor Cismaan Xasan oo ka mida madax-dhaqameedka dalka, ayaa sheegay in uu soo dhawenayo shabakeda Somalilandtoday.com oo ku biirtay dhawaan bahda saxaafada dalka.
“Waxa ay ka mid noqon doontaa shabakedaha ka warami doona Somaliland , aad iyo aad baanu ugu mahadnaqaynaa dhalinyarada aas-aastay , waynu ognahay saxaafadeena dalku maanta yay u faro badan tahay, waxa aanu rejaynaynaa in ay noqoto mid ku sifowda runta” ayuu yidhi Suldaan Saleebaan.
Barkhad Maxamuud Kaariye oo ah xubin ka tirsan guddida sare ee fulinta ururka suxufiyiinta Somaliland (SOLJA) , ayaa sheegay in warbaahintu dalku la kulmaan dhibaatooyin kaga yimaada siyaasiyiinta oo aan ogolayn in la baahiyo wararka xaqiidda,laakiin shabakeda Somalilandtoday looga baahan in ay adkaysi u yeelato caqbadaha jira.
“Waxa ay ku soo beegan tahay xilli siyaasiyiintu waxa waxkasta oo ay warbaahintu qorto, ku tilmaamayaan been abuur , waa ay ayaan badan tahay waxa ay ku soo began tahay xilli la doonayo in sameeyo wax ka duwan waxa hadda jira, waxa ay ku shaqaynaysaa daruufo iyo wax aanay warbaahinta caalamka ka jirtaa ku shaqaynayn . Muuse waxa uu yidhi anaga ayaa nagu taagan tihiin, taas waxa aan doonayaa in beenaysaan,waayo warbaahintu bulshada ayay u taagan tahay” ayuu yidhi Barkhad Kaariye.
Guddoomiyaha xisbiga Tallada dalka haya ee Kulmiye Muuse Biixi Cabdi, oo isaguna Munaasibadaasi ka qayb galay ayaa si weyn u soo dhaweeeyey shabakada Somalilandtoday waxana uu sheegay in saxaafada dalka ka hawlgashaa ay xog ahaan ku tiirsan tahay waaqiciga jira oo ay hogaaminayaan siyaasiyiintu.
“Waan hambalyaynayaa shabakeda cusub kolay waa hawl aniga igu soo koradhay , saxaafada waanu soo dhaweynaynaa iyo iyaguna waa ay na soo dhaweynayaan , horta saxaafada waxa ay wax ka qortaa waa siyaasyiyiinta hadaydaan anaga ha nahaysan , haddii aanu maalin qudha idin ka aamusno, cabaadkiina waa laga baxayaa” ayuu yidhi guddoomiyaha xisbiga Kulmiye Muuse Biixi Cabdi.
Xildhibaan Cali Xasan Maxamed ( Cali Mareexaan) oo ah mudane ka tirsan golaha wakiilada, oo ka hadlay halkaas, ayaa sheegay warbaahintu ay tahay hay’ad awooda badan oo loo adeegsan karo masaaliix kala duwan.
“Saxaafada waxa la yidhi waa midi laba afleh , dhamaantiin waxa aan idiin rejaynayaa in sida fiican ee waxtarka leh in aad uga faa’iidaysan doontaan , hal tallo ah ayaan qolada website-yada u soo jeedinayaa waxa ay qoraan faalo qof soo qoro , falooyinka dambe ee lagu bixiyo wax aad arki kartaa waxa cay ku qoran , ayuu yidhi xildhibaan Cali Mareexaan.
Guddoomiye ku xigeenka labaad golaha Wakiilada Dr Cali Yuusuf Axmed, ayaa tallooyin u soo jeediyay shabakeda iyo warbaahinta kale ee dalka waxana uu yidhi “ Waan soo dhaweynayaa shabakeda Somalilandtoday, waxaan ay sidataa magacweyn Somaliland haddii aad la baxdeen waa in aad u qalantaan “ ayuu yidhi guddoomiye ku xigeenka labaad ee golaha Wakiiladu.
Cali Salaan (Shoombe) oo ka mida Saxafiyiinta raag-caada ah ee dalka oo isaguna munaasibadaasi ka hadlaya ayaa ugu baaqay Halw wadeenada shabakadaasi inay ku sugnaada Xirfada saxaafada oo ay dhex-dhaxaad noqdaaan.
Waxa kale oo iyana munaasibada lagu daahfurayay xafiiska shabakeda Somalilandtoday.com ee Magaalada Hargeysa ka hadlay xildhibaan Maxamed Xaaji Yuusuf Waabeeye, agaasimaha guud ee wasaarada warfaafinta Cabdirashiid Jibriil Yuusuf, Abwaan Yuusuf Shaacir iyo qaar ka mida madaxda hay’addaha warbaahinta ee dalka.
Follow us On
