Ka hore intii aan lagu dhawaaqin dawlada iyo Raysal wasaaraha, ayaa laga codsaday labadii Raysal wasaare ee Somaliland iyo Soomaaliya oo kala ahaa: Maxamed Xaaji Ibraahim Cigaal iyo C/laahi Ciise, ayaa laga codsaday inay soo gudbiyaan qoraal ay isku casilayaan si loo soo magacaabo Raysal wasaare cusub oo ee Somaliland iyo Soomaaliya yeelato.
Intaasi ka dib Maxamed X. Ibraahim Cigaal ayaa ka biyo diiday qoraalka bilaa shuruuda ah, balse markii la saaray culays fara badan wuu aqbalay inuu qoro waraaqdii is-casilaada. Ka dib waxa fadhiistay Baarlamaankii labada dhinaca oo kala ahaa 33 xubnood oo Somaliland ka socday iyo 90 xubnood oo ka socday Soomaaliya. Markii codka loo qaaday waxay Madaxweyne u doorteen Aadan Cabdulle Cismaan ( Adan Cadde). Ka dibna M/weyne Adan Cadde wuxuu Raysal wasaare u magacaabay C/rashiid Cali Sharmarke. Labaduba waa reer koonfureed (Somaaliya).
Golihii Wasiirrada ee Dawladddii C/Rashiid
Dawladani waxay ka koobnayd 12 Wasiir:
- Cabdirashiid Cali Sharmarke…. Ra’isal-wasaare
- Cabdi Xasan Buuni….. Ra’isal-wasaare-ku-xigeen
- Axmed Xaji Ducaale ….. Wasiirka Beeraha
- Maxamed X. Ibraahim Cigaal….. Wasiirka Difaaca
- Cali Garaad Jaamac….. Wasiirka Tacliinta
- Cabdiqaadir Maxamed Aadan Soobe…. Wasiirka Maaliyadda
- Cabdillaahi Ciise Maxamuud ….. Wasiirka Arrimaha Dibadda
- Sheekh Cali Jimcaale….Wasiirka Caafimaadka iyo Shaqada
- Sheekh Cabdulle Maxamuud.. Wasiirka Wershadaha iyo Ganacsiga
- Cali Maxamed Hiraabe……Wasiirka Warfaafinta
- Cabdirisaaq Xaaji Xuseen….. Wasiirka Arrimaha Gudaha
- Maxamed Axmed Maxamed….. Wasiirka Caddaaladda
Wasiir-ku-xigeennadii
- Maxamed Sh. Daahir.. Ku-xigeenka Difaaca
- Maxamed Cali Dacar…. Ku-xigeenka Arrimaha Dibada
- Maxamed Isaaq Salaad…..Ku-xigeenka Arrimaha Gudaha
- Maxamed Cali…. Ku-xigeenka Waxbarashada
- Xuseen Cumar Xasan….Ku-xigeenka Beeraha
Saamigii reer Somaliland ka helaan dawladda.
Dawladdii la soo dhisay ee ka koobnayd labada Baarlamaan waxay Somaliland ka heshay:
- Jaamac C/laahi Qaalib…………….Guddoomiyaha Baarlamaanka
- Cabdi Xasan Buuni……………………….Raysal-wasaare ku-xigeen
- Maxamed X. Ibraahim Cigaal…………..…Wasiirka Difaaca
- Cali Garaad Jaamac………………………….Wasiirka Waxbarashad
- Axmed X. Ducaale…………………………..Wasiirka Beeraha
- Gen. Ismaaciil Axmed Ismaaciil…………Taliyaha Ciidanka Asluubta
Markii lagu dhawaaqay xubnaha dawlada ka kooban tahay, waxa markiiba saluug weyn iyo guux muujiyey reer Somaliland oo ka biyo diiday inaan si siman wax loo qaybsan, balse reer Soomaaliya wada qaateen xubnihii ugu mihiimsanaa dawlada. Taasina waxay reer somalialand ku calacaleen “ anagaa bilaa shuruud ku raacnay, markaa waa abaalkayo”.
Cali cabdi coomay
Suxufi, qoraa ah.
B.A in journalism
Haragaysa, Somaliland
Tix-Raac:
Danjire Qaybe iyo Caalamka……….Sooyaalkii Axmed Maxamed Adan “Qaybe”
Taariikhda Maantu, Waa Siyaasadii Shalay…Maxamed Cabdi Ismaaciil” Digtoorka”
