ALLE ayaa mahadle ii suurto galiyey inaan qoro maqaal kan aan ka diyaari yey xaqa ay inagu leeyihiin labada waalid ee uu Ilahay inaga beerey ee aynu sabab tooda ku nimi aduunka.
waxaan kaliya oo aan odhan kara Alle danbiigoodo ha dhaafo oo haka waraabiyo janoo yin kiisa.hadaan is idhaahdo inta nolashayda ka hadhay ka qor qoraalo ma soo koobi karo oo waxaan ogahay sharafta , qiimah ,karamda iyo xushmada uu alle siiyey waalidka.
Culimadu way baraarujiyeen wax walba waxayna noo sheegeen in baarinimada waalidka lagu gaadhi karo JANNO.
Waalidka ha cannaanan hana ku dhihin hadal xun oo ay dhibsadaan, ogow inaan xaqa waalidka la gudi karin.
Hadaad labadaada waalid soo gaadho ama midkood oo aad ka kasban weydo janno waxaad noqotay mid khasaaray aduun iyo aakhiraba.
Ammarka waalidka oo aad diido waxaad ku muteysan NAAR, waxaa ugu fiican salaadda oo aad waqtigeeda la tukado, camalka kan xiga ama qodobka labaadna waa waalidka oo loo asxaan falo,ama la xanaaneeyo waayo waalidku waa ka ku keeney ifka.
quruxda iyo sharafta aad dadka ku dhex gasho hada walalkeyga ama walalshayda muslinka
ahow waxaan kula jecely guul if iyo akhiroba inaad gaadho haddaba waxaad ku gaadhi kartaa inaad waalidka u samo fasho iyo inaad Illahay u samo fasho waxa nasiib leh qofka uu Ilahay isaga uu ku simay walidkii hadaba waxan kula jecelahay inaad gaadho guul if iyo akhiroba alle ha inga dhigo ku waa gaadha halka uu gaadho qofka aduunka ugu nasiibka badani oo ah raaligalinta IlahaY.
Xaqa hooyada ayaa saddex jeer ka badan xaqa uu Aabuhu kugu leeyahay (xaqa 1, 2, 3, waxaa kugu leh Hooyada xaqa afraadna aabaha) waxaa halkaa kaaga cad in hooyadu ka xaq weyn tahay aabaha xaqeedana aan la gudi karin, adiga iyo xoolahaagaba aabaha ayaa iska leh iskaba daa hooyada oo kasii xaq weyne.
waxa aynu ogney in ay hooyadu tahay baraha nololsha iyo guusha akhiro hadaba waxaan xaqiiqa inaad hooyada xaqeeda anaad gudi karin hal maalin oo aad ka yara dhici gaadhay oo ay naxdey hadaba inataad meel kale ka raadineyso sida: jano waxa ay ku jirtaa waalidka intuu ku jiro ee ka faadeyso intada aad arkeyso waalidkaa gaar ahaan hoooyada isga oo uu abuuhu na uu yahay waalid qaaliya oo waxa ay kala yihiin abo iyo hooyo ee ilahay ayaa kala siiyey xaqa oo inoo tilmaamay sida ay xaqa u kala leeyiin.
sidoo kale in nafteeda, dhabteeda , dusheeda aan raaxo iyo dugsi ka helno.
Ogow hooyadu aduunkan sharaf iyo xaqdhowr ay nagu leedahay marka ay dhimatana u ducee in ay sharaf ku noolaato aakhirana alle uu janooyinkiisa ku casuumo.
Hal –Abuurkeena soomaliyeed ayaa ka diyaarshay gabayo heesooyi iyo maansooyin dhamaantooddna ku amaanayaan hoyada iyo wanaageeda .
Han soo qadano gabaygii uu sameeyey Abwaankii weynaa ee Maxamad Warsame Hadraawi ee uu ku luqeeyay boqorka codka Maxamad Saleeban Tubeec hadii aan woxoogaa kasoo qaato abwaanku wuxuu ka Yidhi sifaha hooyada.
Hooyoy la’aantaa, adduunyadu hubaashii
habeen kama baxdeenoo, iftiin lama heleen
Dadku uma hayaameen, dayax heego joogoo
sida haad ma fuuleen, xiddig hawd ka lulatoo
hawo laguma gaadheen, hubka laguma tuureen
cirka hirar ka muuqdoo, ruuxaad hagaysiyo
usha midaad u haysaa, hilin toosan waligii
ka habaabi mayee
hooyoy addoomuhu. halkay maanta joogaan
adigow horseedee. intaad hanad xambaartee
haaneedka siisee. horaaddada jaqsiisee
habtay baan xisaab iyo, tiro lagu helaynine
Marka aad nin hiil-loo, laga baqo hashiisaa
lama hure dhashaa baa, hooyo lagu xusuustaa.
Marka aad nin hoo-loo, marti hagar ka galinoo
gurigiisa habaqluhu, isku soo halleeyoo
hayntiisa quudhoo, hor ilaahay geystiyo
lama hure dhashaa baa, hooyoy lagu xusuustaa.
Marka aad nin himillada, hilin toosan mariyoo
hir markii la gaadhaba, ku labaad hilaadshoo
haga maatadiisoo, la higsade dhashaa baa
hooyo lagu xusuustaa.
Marka aad nin hooggiyo, ka hor taga dagaalkoo
dabka hura baqtiiyoo, garta hubin yaqaannoo
xaqa hoos u eegoo, halistiyo colaadaha
ku hagoogta dhiiggoo, dadka kala hagaajoo
kala hage dhashaa baa, hooyo lagu xusuustaa.
Markaad hoobal caanoo, sacabka iyo heellada
labadadba hagaajoo, hindisaha farshaxanoo
hab-dhaca iyo luuqdiyo, rabbi hibo u siiyoo
hawraarta maansada, heensayn yaqaan iyo
hal-abuur dhashaa baa, hooyo lagu xasuustaa.
Dumar iyo haween baa, nolol lagu haweystaa
kuwa lagu hammiyayee, sida hawd caleen wayn
lagu wada hamuumee, ishu halacsanaysaa
hablahaaga weeyee
marka guur la haybshee, gabadh heego dheeroo
hoobaan la moodoo, karti iyo hub-qaadloo
quruxdana ka hodanoo, hirta laga aroosaa
hooyo lagu xusuustaa.
Hooyoy la,aantaa, higgaad lama barteenoo
hooyoy la,aantaa, hadal lama kareenoo
ruuxaanad habinoo, kolba aanad hees iyo
hoobey ku sabinoo, hawshaada waayaa
hanaqaadi maayee
abwaankaa weyn ee soomaliyeed waxan Illahay ugu barayayaa danbi dhaaf.
culimada soomalidu waxay kaga hadleen muxaadarooyin oo ay ku sheegeen xaquuqda waalidka ku leeyahay ubadkiisa.
Waxaana lagu soo koobay waalidka oo baari loo noqddo.
culimadu waxay baraarujiyeen ciid walba waxayna noo sheegeen in baarinimada waalidka lagu gaadhi karo janno.
DHamaan umada afka soomaliga ku hadasha iyo cidii uu soo gaadho qoraal kaygani ee aan u samo falin waalidkood waxaan odhan lahaa maanta wxaad haysataa fursad taasi oo ah inaad danbi dhaaf oo aad ku mudan karto inaad u samo fasho waalidkaa waxaad arkeysaa dad malin kasta ku dadaala in ay raadi yaan jano. laakiin janada ka raadi waalidka.
waxa aan arkay maalintiii aduunka iigu naxdiinta badaneyd wiil dilaya Aabihii
oo kuleh “waxad cuntey lacagtii aan lahaa iyo xoolii xaaskeyga iyo caruurteyda”
hadad arki lahayd waad ooyi lahayd anigu waxaan ku xusuusta maalin kasta oo aan joogo iyo marksta oo aan meeshii soo maro waalaahi waan xasuusta.
waxaan is weeydii yey maanu ogeyn inuu isaga dhan uu ku yimi aduunka Aabihii iyo hooyadii inta Illahay ka so keysa waxa nasiib daro ah in uu qofku garan waayo xaqa waalidka . waxa nasiib leh qofka uu Illahay guuday xaqa labadii sa waalid .l hadaba waalidkaa u samo fal oo ku dadaal in ay ka raali noqdaan markasta oo uu waalidka ka raali yahay waxa ka raaliya Illahay
hadaba ilaa maanta hadaan is idhaa qoraal ka diyaari xaqa waalidka iyo sharaf ta ay leeyiin ma soo koobi karo oo adaan ka waxa ugu qaalisani waa waalidka iyo wanaaga ay leeyiin
waxaan ku soo koobi lahaa qoraal kaygan yar ee aan ka diriyey waalidka iyo xaqa ay leeyin
Illahay ha inaga dhigo ku wa garta xaqa iyo dhowrsananta ku wa aan garaneeyna xaqa waalidka alle ha tuso inta taqaana alle hagu guuleyo wanaaga ay u sameeyeen waalid kood.
dhamaanteen waxaan inoo rajeenayaa guul if iyo akhiroba
waxaan inaga raali galinayaa akhriiste yaal wixii khalada ee ka yimaada maqaal kan waaayo qofku waa khaldamaa oo alle ayaan khaldamin ee isoo toosiya wixii khalada ee aad ka aragataan qoraalka waayo taladiinu waa mihiim
ALLE AYAA MAHADLE
WQ/samsam ismacil cabdi