Haddii lagu Su,aalo Waa Maxey Hobbies Kaagu Maxaad kaga Jawaabi laheyd.Qof kastaaba wax buu Xiiseeyaa ama Jecel yahay in uu qabto wakhtiyada uu Firaaqada yahay ama ka mid ah Waxyaabaha uu Jecel yahay.in Qofku Wax xiiseeyo ama Jeclaadaa waxa ay siisaa Firfircooni iyo Tamar,Waxaanu Qofku kaga baxaa marka uu helo ama Qabto wixii uu xiiseynaayey Culeyska ama murugada iyo Fikirka waayaha nolosha ama Shaqada laga dhaxlo.Waxa qofku xiiseeyo in uu Qabtaa waxa ay maskaxda ku beeraan Jawi cusub iyo Aragti Farxadeed intaba.Si aad u hesho waxaad xiiseyneyso ama Naftaadu ka Hesho waxa aad u galeysaa Diyaar garow.
Su,aasha ayaa ah Mid inta badan la isku Weydiiyo Wareysiyada shaqo,Dhinaca kalena Qofku ku Qorto Cvga Codsiga shaqo Waxyaabaha uu xiiseeyo,Waxaana Jira Qeyb aynu ugu magac darno Hobbies.Wareysiyada ayaa lagala soo baxayaa waxa aad xiiseyso ama Hiyaawad ka dhigato,Marka la ogaadana waxa si fudud loo fahmi doonaa Nooca shakhsiyadaadu tahay ama waxyaabaha aad xiiseyso ama jeceshahay.Waa Su,aal ka qeyb qaadata in qofka shakhsiyadiisa la ogaado.Waa mid la rabo in qofku si daacad ah oo Kalsooni ku dheehan tahay uu uga Jawaabo.Waana dhab in dadka intooda badani ay ku Jawaabaan waxaan Jecelahay Akhriska ama Dhageysiga ama Daawashada Tvga.
Wakhtiyada Firaaqada lagu Jiro ama Fasaxyada iyo Raaxada Ayaa waxa dadka ku soo Kordha arimo badan oo aaney hore u qaban Jirin,Waxyaabo ay Jeclaayeen ama aaney Wakhti u heli Jirin.Dhinaca kalena waxa Jira Dad maalin kasta qabta wax Hobbygooda ka mid ah.Dad baa ka hela ama Jecel Xidhiidhada,Asxaabta badan,Sheekada,Booqashada iwm oo ka Dhigtey wax ay Wakhtiga isku dhaafiyaan.Dad badan oo kale Ayaa Jecel Socdaalada safarada ama Dalxiiska,Kuwaasi oo doonaya in ay Korodhsadaan Khibrado ama waayo aragnimo wadamo kala duwan,Meelaha qadiimiga ah iyaga oo ku socdaalaya diyaarado,tareeno,baabuur ama maraakiib.
Kuwo kale Ayaa ka hela Booqashada dhulka keymaha aha beeraha Xayawaanka loogu daawasho tago.Kuwo kale Ayaa Xiiseeya in ay Beeraha tagaan.Dad badan Ayaa ka hela Akhriska buugaagta sheekada ah ama Jaceylka,Kuwo kale Ayaa ka hela qorida iyo wax soo saarka la xidhiidha dhinaca maalida Maskaxda.Dad baa ka hela Daawashada ciyaaraha,Ama ciyaarida kubadaha ama ciyaaraha kale sida orodka iwm.Kuwo badan ayaa wakhtiga isku dhaafiya daawashada Tvga sida wararka ama Madadaalada,Dad badan ayaa Dabaasha iyo badaha ama biyaha iyo webiyada ka hela in ay tagaan ama doon ku dhex maraan ama ku dabaashaan.
in qofku balwad yeeshaa Hobby ma u noqon kartaa haddaba sida Jaad ama sigaar ama Khamri oo kale ma la odhan karaa waa Hobby uu ka helo ama jecel yahay oo uu xiiseeyo ama Qabatimey.Mar haddii wixii qofku xiiseeyo,wakhtiyada firaaqadana uu qabto Naftiisuna jeceshahay loo arkey Hobby Balwadihi ma soo geli doonaan.Haddii lagu Yidhaahdo sheeg qaar ka mid ah Hobbies waa in ay ku diyaar san yihiin tiro ka mid ah.wax xun iyo wax wanaagsanba wey yeelan kartaa.
Abdifataah Mahamed Ahmed
Ceelaabe_10@Hotmail.Com
