Gabaygan waxaa tiriyay Abwaan Ismaaciil Daahir Nuur oo lagu naanayso (Ismaaciil Afweyne)
Abwaan Ismaaciil waa hal abuur Rabbi hibo u siiyay curinta suugaan hodan ah, haatana kamid ah cuqaasha gobolka Gabiley waxaanu abwaan ismaaciil gabayga kaga hadlayaa waaqaca hada jira iyo sida ay ugu muuqatay doorashooyinkii iyo marxaladaha dalku ku suganyahay waxaanu ku bilaabay gabayga sidan:
Dibjirka iyo dugaaga isku tegay,dabatadaa naaxdey,
Dusha waxaad ka moodaa inay,dawlad weyn tahaye,
Daakhilkeeda ninkii arkaa,wuu ka didayaaye,
Daydaygii oo dirays loo geshaa,daadsan suuqyada,
Ma dawayn yaqaanaan halkuu,daad ka soo galo,
Hayaduhu waxay soo diraan,shicibka loo diid,
Ninba dawlis buu ceel ku ritoo,uu darsanayaaye,
Dadka oo la kala iibsadaa,doorkan soo baxayoo.
Nin waliba dilaal buu ka yahay,duul uu meel furay
Waxan la isku dilayaana waa ,aniga ii daaye
Hadba ka aynu dooranaa,kii ka sii daran
Maxkamadaa hadaan hoos u dayay,daacad baan jirin,
Hadaan gacantu duubnayn cidbaan,doodba kaa qorin,
Waxba hadalku yuu ila durkine ,waxaan ku soo duubay
Ilaahow na daawee adigu,daa,in baad tahaye.