Hargeysa (SLpost)- Xukuumadda Somaliland ayaa Golaha Guurtida ka codsatay in ay dedejiyaan ansixinta Xeerka isa-saaran ee Doorashooyinka.
Wasiirka Wasaaradda Warfaafinta, Wacyigelinta iyo Dhaqanka Md Cali Xasan Maxamed oo maanta shir-jaraa’id ku qabtay xafiiskiisa, waxa uu Golaha Guurtida ku boorriyey inay dedejiyaan meel-marinta Xeerka Doorashooyinka.
Xeerka Doorashooyinka Isa-saaran ayaa xilligan horyaalla Golahaas oo guddi gaar ah u xil-saaray ka soo talo-bixinta shuruucda xeerka oo Golaha Wakiilladu u soo gubiyey.
Haseyeeshee, Golaha Guurtida ayaa muddo hal bil ah fasax galay maalmo kaddib markii xeerku soo gaadhay golaha.