London (SLpost)- Cadaymaha loo heayo tirada sii kordhaysa ee dhalinyarada reer Britain ee Jihaadka u tagaya waddanka Suuriya si ay uga barbar dagaalamaan kooxaha Mucaaridka ah ayaa sababtay in xukuumada Uk ay wada xaajood arimahan khuseeya la gasho wadamo dhowr ah oo ku jira Midowga Yurub, iyadoo laga cabsi qabso in halgamayaasha dagaalada ka soo noqonayaa weeraro ka dhex abaabuli karaan gudaha Yurub.
Khubarada is urursatay waxay ku talinayaan in fiiro gaar ah loo yeesho bisha Ramadaan ee Bilaabmaysa 9 bishan July in uu korodh ku yimaado dhalinyarada u safraysa Dhinaca Wadanka Suuriya ee dagaalka sokeeye ka socdo, taas oo keenaysa in dhallin yaro badani tababar ku soo qaataan halkaasi.
Booliiska iyo kooxaha Sirdoonka ayaa iyagu hore ugu hawlanaa isha ku haynta dhallinyarada Muslimiinta ah ee u safarta wadamada ay kamidka yihiin, Soomaaliya, Nigeria, Mali iyo Pakistan si ay uga qayb qaataan dagaalada wadamadaas ay ka wadaan kooxaha mucaaridka ahi.
Booliiska wadanka Tansaaniya ayaa la sheegay inay gacanta ku dhigeen oo xidheen nin gudaha wadankaasi looga yaqaano Axsaan Cali Iqbaal oo 19 jir ah, sida la tilmaamayna haysta Baasboorka wadanka Ingiriiska, waxaana looga shakisan yahay, ku lug lahaanshaha falal argagixiso oo laga fuliyey gudaha wadanka Britain.
Si kastoo xaal yahayba, waxa jira feejignaan isa soo taraysa oo lagula soconayo tirada sii kordhaysa ee dadka u socdaalaya Suuriya, Howlgalkan Ingiriisku horkacayaana waa mid lagu xakamaynayo cabsida laga qabo waxyeelada dhalintaasi. Waxyaabaha xooga la saarayo ee ah go’aamada suuro galka ay tahay in shirarkan laga soo saarana waxa ka mid ah : In la mamnuuco safarada loogu baxayo ka qayb galka jihaadka, xayiraad lagu soo rogo dhaq-dhaqaaqa ururo khaas ah, xanibaad la saaro xisaabaha uga furan Bangiyada, musaafurinta culimada faafiya ku dhiiranaanta jihaadka iyo sidoo kale in laga saaro liiska dadka qaata caydha ay bixiyaan xukuumadaha wadamadaasi.
Xog-haynta xafiiska Arrimaha Shacabka ee wadanka Ingiriiska, Theresa May, oo hoggaaminaysa doodda waddankeeda iyo Kooxaha waddamada Yurub metelaya ah ee loo badinayo inay ku jiraan dalalka, France, Denmark, Belgium, Spain, Sweden, Holland iyo Ireland, ayaa si weyn loogu lafo guri doonaa la dagaalanka waxay ugu magac dareen “ Dalxiis ugu bixidda Jihaadka”.
Kooxdan ayaa lagu soo dhisay kadib kulan ay wasiiro hore oo dalalkan ka tirsan isugu yimaadeen bishii hore dalka Luxembourg, iyada oo ay waddamada ku bohoobay Midowga Yurub Ahmiyada Koowaad siiyeen xakamaynta dagaalyahanada ajaanibka ah.
SOMALILANDPOST.NET
