Hargeysa (SLpost)- Waxa maanta shir isugu yimi Guddi heer Wasiir ah oo gacanta ku haya maamulka Mashruuca JPLG Horumarinta iyo Maamul-daadejinta Dowladaha Hoose ee dalka oo maalgelintiisa ay ka qayb-qaataan Hay’adaha Qaramada Midoobay iyo Ururka Midowga Yurub.
Shirkan oo uu shir-guddoominayey Madaxweyne ku-xigeenka Somaliland Cabdiraxmaan Cabdilaahi Ismaaciil (Saylici) oo ah guddoomiyaha Guddigan, waxa lagu faaqiday heerka uu marayo mashruucan iyo qaabka lagu wejahayo ku-talo-galka meelaha ugu muhiimsan ee ka qayb-qaadan doona mashruucan.
Madaxweyne ku-xigeen Saylici waxa uu sheegay uu sheegay inay qorsheeyeen sidii mashruucan loo gaadhsiin lahaa maamullada 23-degmo ee ka tirsan maamullada dowladaha Hoose ee dalka.
Mashruucan ayaa markii hore ku koobnaa dowladaha Hoose ee Degmooyinka waaweyn ee dalka, balse sida madaxweyne ku-xigeenku sheegay, waxa mashruucan la gaadhsiin doonaa dhammaan 23 degmo-doorasho ee xubnaha Maamulkoodu lagu doortay codka shacabka.
Faahfaahinta warkan ka daawo Muuqaalkan