Hargeysa (SL.Post) Shirkii ay dhawaan ku dhaqaaween qabsoomidiisa beesha gobolka Saaxil inay ku qabsanayaan deegaanka Baxarsaafka ee degmada Laasgeel, ayaa dib loo dhigay.
Ilo xogogaal ah ayaa shabakada Somalilandpost.net u xaqiijiyay in Kulan ay maanta magaalada Hargeysa ku yeesheen Xubno ka tirsan golaha Wasiirrada, Guddoomiyaha Maxkamada sare ee Somaliland, Guddoomiyaha guddida Diiwaangelinta, Xildhibaano, siyaasiyiin iyo madaxdhaqameed lagu go’aamiyay in muddo bil ah dib loo dhigo qabsoomida shirka Baxarsaafka.
Shirkana Baxarsaafka ee ay hore u iclaamiyeen Salaadiinta beesha Ciise Muuse, ayaa waxa qaadacday Xukuumadda Somaliland, taas oo u arkaysay mid lid ku ah siyaasadeeda gobolka Saaxil gaar ahaan heshiiska DP World ee Dekeda Berbera oo ay u arkaysay inay ka soo baxayaan qodobo ka hor imanaya heshiiska DP Wordl.
Somalilandpost. Hargeysa