Hargeysa (SLpost)- Xafiiska Xeer ilaalinta Guud ee Somaliland, ayaa maxkamadaha dalka ku eedeeyey inay tahay masuuliyad-darro sharci iyo Jebinta Shuruucda dalka go’aanka ay ku sii daayaan Shaqsiyaad loo xidhay eedaymo musuq-maasuq oo loo haysto.
Ku-xigeenka Xeer ilaalinta Guud ee Qaranka oo maanta la hadlay saxaafadda Somaliland, ayaa ku dhaliilay Maxkamadaha Somaliland inay sii daayaan ama xorriyaddooda u soo celiyaan shaqsiyaad ku eedaysan arrimo musuq-maasuq kuwaas oo ay ku jiraan masuuliyiin hore uga tirsanaa hay’adaha kala duwan ee dowladda.
Masuuliyiintaas la xidh-xidhay oo ay ka mid yihiin Agaasimayaal eedaymaha musuq-maasuq loo haystay, ayaa maxkamadda gobolka Maroodijeex dammaanad ku sii daysay.
Haddaba faahfaahinta warkan ka daawo muuqaalkan Hoose
