Hargeysa (SLpost)- Madaxweynaha Somaliland Md Muuse Biixi Cabdi, ayaa tacsi u diray ehelka, qaraabada, asxaabta iyo Bulshada uu ka baxay Allah Naxariistiisa Janno hawgu deeqo’e Marxuum Mujaahid Maxamed Boodhle Muxumed oo maanta u geeriyooday magaalada Gabiley.
Sida lagu sheegay dhambaal tacsi ah oo ka soo baxay Madaxtooyada, Md Muuse Biixi Cabdi waxa uu Marxuumka ku tilmaamay halgamaa ka baxay Dadka iyo Dalka isla markaana ka door muhiim ah ka soo qayb-qaatay Halgannadii nabadeynta, dib-u-dhiska iyo Dib-u-xoreyntii dalka.
Dhambaalka Tacsida ah oo ka soo baxay xafiiska afhayeenka Maxamuud Warsame, ayaa u qornaa sidan:-
“Madaxweynaha Jamhuuriyadda Somaliland, Mudane Muuse Biixi Cabdi, isagoo ku hadlaya magaciisa, ka dawladda iyo ka shacbiga Somaliland, waxa uu dhambaal tacsi ah u dirayaa, waxgaradka, waayeelka, aqoonyahanka, qoyska, ehelada, qaraabada, asxaabta, iyo shacbiga Somaliland ee uu ka baxay Alle ha u naxariistee Mujaahid Marxuum Maxamed Boodhle Maxamuud oo ku geeriyooday maanta oo ay taariikhdu tahay 05/11/2019, magaaladda Gabiley.
