Mandheera (SLpost)- Madaxweyne Ku-xigeenka Somaliland Md.Cabdiraxman Cabdilaahi Ismaaciil (Saylici) ayaa Tababar u soo xidhay Dufcadii 2aad ee Ciidamada Sidda Gaarka ah u Tababaran ee loo yaqaano RRU, kuwaasi oo dhameystay tababar muddo dheer qaatay.
Munaasibada Tababarkan loogu soo xidhayey Ciidanka RRU ayaa wax ka soo qaybgalay Madaxweyne Ku-xigeenka, ahna Ku-simaha Madaxweynaha Cabdiraxman Saylici, Wasiirka Arrimaha Gudaha Maxamed Nuur Carraale (Duur), Taliyaha Ciidanka Booliska Somaliland Cabdilaahi Fadal Iimaan, Badhasaabka Gobolka Saaxil, iyo Saraakiisha kala duwan ee ciidanka Booliska Somaliland.
Madaxweyne Ku-xigeenka Somaliland ayaa Wax uu salaan Sharaf ka qaatay Ciidanka Tababarka loo soo xidhayey, waxayna halkaasi ku soo bandhigeen Aqoontii ay barteen.
Ugu Horeyn wax halkaasi ka hadlay Hogaanada Ciidanka Booliska ee Somaliland Waxayna Sheegen in Ciidankani yahay mid karti u leh in qarankooda iyo Dadkooda ay ka difaacan Cid kasta oo Cadaw u ah.
Taliyaha Ciidanka Booliska Somaliland Cabdilaahi Fadal Iimaan, oo isaguna munaasibadaasi ka hadlay ayaa ku dheeraday heerarkii kala duwan ee ay soo mareen Ciidanka Booliska Somaliland, wax kale uu uu hoosta ka xariiqay in Dufacadani tahay Dufcadii labaad ee Ciidanka RRU, balse ay jireen Dufcado kale oo Ciidanka Booliska oo Dugsiga Mandheera ka soo baxay.
Taliyaha oo Si gaar ah uga hadlay Ciidanka RRU iyo Qiimaha Qaranka Somaliland ku joogan wax uu yidhi “Ciidankani wax uu yahay kuwa loogu tallo galay xaladaha Deg-deg ah in ay ka hortagaan haddii ay argagixiso tahay iyo haddii ay dhibaatooyin kaleba ay tahayba, Bulshada reer Somaliland Waxan u sheegaynaa in ciidankani ay yihiin badbaadiyaasha Dalka iyo Bulshada Somaliland, waxaanuna leenahay bulshada reer Somaliland Ciidankan u arka in ay yihiin kuwii naftiina iyo qarankooda difaacayey, ee ha u arkina in ay yihiin ciidan dhib loo Abuuray, ciidankani waa ciidanka difaaca qaranka lafdhabarka u ahaa hadii ay yihiin ciidanka booliska Somaliland ka tirsan sidda kuwa Birmadka ee RRU, Goobtan aynu joogno ee Mandheera Wax ka qalinjabiyey dhawr dufcadood oo kala duwan ay ka mid yihiin Ciidanka SPU iyo Kuwo kale.” Ayuu yidhi Taliyaha Ciidanka Booliska Somaliland.
Isaga oo hadalka Sii Watana Wax uu yidhi “Ciidankan RRU wax loogu tallo galay hawlaglada culus, Waxaana la galiyey tacab farro badan, Runtii Marka ay Ciidankani ay galan hawlgalka waanu ku faraxnaa sidda Quruxda badan ee ay u nidaamsan yihiin, Marka Tobanka Nin ee Ciidanka RRU waxay u dhigmayaan 100 askari oo booliska kale ah, faan maaah oo kuwa kale in ay ka hooseyan ma aha, laakiin Tacab badan ayaa kuwan la galiyey”
Wasiirka Arrimaha Gudaha.Maxamed Nuur Caraale (Duur), oo isaguna halkaasi hadal dardaran ah u jeediyey Ciidanka Tababarka loo soo Xidhayey ayaa Wax uu yidhi “Ciidanka RRU Dalka wuu ku cusub yahay, laakiin Qof kasta oo reer Somaliland ahi dhagihiisu way maqleen, marka ninba turjumaad ayuu saartay, dadka qaarba faafiya in ay cadaw yihiin, waxaanu halkan ku cadeynaynaa in anay cadaw ahayn,basle ay yihiin ilaaliyaha Amniga shacabka iyo dalka iyo dadkaba, waxay Ciidanka RRU Cadaw ku yihiin cidii cadaw ku ah nabada mushtamaca Somaliland, basle Ciidanka RRU Bulshadooda Somaliland waa saaxiib la nool oo dadkooda Ilaashada, ee ma ah dad meel kale ka yimid, ee waa dad bulshada reer Somaliland ka yimid oo dadku dadkii yihiin, marka runtii waxaynu meesha ka saareyna dadka Makarafoonada qaata ee Sidda khaldan u tilmaama ciidankaasi.”Ayuu yidhi Wasiirka Arrimaha Guduhu.
Madaxweyne Ku-xigeenka Somaliland Md Cabdiraxman Cabdilaahi Ismaciil (Saylici) oo Gabogabadii halkaasi ka hadlay ayaa wax uu Ciidamada RRU-da ku booriyey inay Marka hawlgalka ay waddan Dadka si fiican ula dhaqman, “Marka aad baadhitan ama dareen uu yimado ama War la helo Cidii shacabka ee Habeenkasi la Dulmaraa haw aragto in la badbaadinayo yaanay u arkin Ciidan Dhibaato u geysanaya iyaga, Waxa loo baahan yahay inaad Bulshada Dhawrtan inta aad dhawri kartaan,” ayuu yidhi Md Saylici.