Hargeysa (SLpost)- Maamulaha Madaarka Diyaaradaha Egal International Airport ee magaalada Hargeysa Maxamed Yuusuf Ismail, ayaa faahfaahin ka bixiyey saamaynta Jewiga Cimillada ee Roobbani ku yeesheen Duullimaadyada diyaaradaha ee Madaarka.
Maamulaha Madaarka Diyaaradaha ee Hargeysa oo shalay war-saxaafadeed kaga hadlay arrintan, ayaa sheegay in jewiga roobbanaanta ee ka jirta hawada Dalka, gaar ahaan caasimadda Hargeysa, ay sababtay inay hakad galaan duullimaadyadii maalinlaha ahaa ee madaarka, isla markaana ay shirkadaha diyaaradaha ee madaarka Isticmaalaa ay duullimadyada u leexiyeen garoomada diyaaradaha ee qaar ka mid ah waddamada deriska ah.
Md Maxamed Yuusuf waxa uu War-saxaafadeedkiisa ku xusay inay jiri karaan xaalado sababi kara hakad ku yimaadda duullimaadyada ilaa maalinta Sabtida ee bilowga todobaadka dambe.
War-saxaafadeedkaas, ayaa u qornaa sidan: “Sidaad la wada socotaan waxa dalkeena saamaysay dabaysha  ( Cyclone), taasi oo keentay in roobab aan kala joogsi lahayni ka da’aan gobolada somaliland badankooda oo ay caasimada Hargeysana ka mid tahay.
Taasi waxay sababtay in shalay oo salaasa ahayd kuna beegnayd 12/11/13 in daruuro waa weyn oo aragtida xadidaya (over cast) isku gadaamaan hawada caasimada isla markaana aragtida (Visibilty) ay ka hoos marto 1000 M.
Taasi oo keentay in afar duulimaad ay hakad galaan kuwaas oo  kala ah sidan:- .
1: African express oo ka dagtay berbera airport
2: Jubba Airways oo ka dagtay djbouti
3: Ethiopian Airlines oo ka dagtay diridhaba
4: UNHASÂ Â oo ku noqotay nairobi
 Kadib markii Ay ku dagi kari waayeen madaarka Caasimada, sababo la xidhiidha arargtida oo aan fiicnayn ( low vision), madaarka oo ku yaala joog sare (4462 Feet above sea level ) iyo ceer yaamo saa’id ah oo dhulka ku jiiftay.
Duulimaadyadaasi waxay u kala wareegeen madarada aanu kor ku xusanay oo iyaga roobabkani aanay saamayn ku yeelan, Iyo Madaarka caalamiga ah ee Berbera oo ku yaala joog hoose (Sea level)isla markaana aan ceeryaamo lahayn oo xaga aragtida fog( visibility) ka fiicanyahay  madaarka Caasimada ( Egal international Airport).
Arintaasina waa mid dabiici ah oo dunida oo dhan ka jirta in duulimaadyada hakad ku yimaado sababo la xidhiidha cimilada oo xumaata awgeed taas oo ay kadhacaan isda wadamada reer galbeedka ee dhaqaalaha horu maray sida Egaland, France, iyo Marakanka-ba.
Sideedaba  xaladaasi waa xaalad iska dabiiciya waana Awood Ilaahay, waana arin ay ku tala galaan diyaaraduhu sidoodaba iyagoo sita shidaalkooda Mana aha arin ku saabsan dhabada diyaaraduhu ka haadaan tayadadeeda, sida warbaahinta qaar aan beenta ka xishoon ay baahiyeen.
Dhabada diyaaraduhu ka haaadaan ee Madaarka Caasimadu waa mid loo dhisay qaabkii ugu casrisanaa, mana aha mid looga baqayo roob kasta oo yimaada.
Maanta cimilada madaarka caasimadu way fiican tahay, iyada oo nooca daruuraha dul hoganayaa ay yihiin qaar furfuran afka qaladna loogu yaqaano ( Broken clouds) aragtiduna ama (Visibility) waxa ay ka badantahay 10 km ( More than 10,000 M).
Sidaas darteed saakaba si caadi ah ayay u yimaadeen dhamaan duulimaadyadii madaarka caasimada iman jiray, iyo kuwii shalay baaqdayba.
Iyada oo shirkad walba ay maanta samaysay laba duulimaad oo kala ah kii maanta jadwalka ugu jiray, iyo kii shalay baaqday.
Tusaale ahaan diyarada Ethopian Airline oo kaso kiciintintay saaka diridhaba faleydkeedi shalay, kii maantuna direct Addis to Hargeisa ayuu ahaa.
Gabagabadi anagoo ka duuleyna jawiga saadasha hawada waxaanu dadweynaha ku wargelineynaa in ay dhici karto arintano kale ilaa iyo sabtida EEBBE inaguma keene.
Alla Mahad Leh
MOHOMED YOUSUF ISMAIL
MAAMULHA MADARKA EGAL INTERNATIONAL AIRPORT
