Hargeysa (SL.Post) Waxa maanta jidka isku xidha magaalooyinka Hargeysa iyo Berbera ka dhacay shir baabuur oo khasaare nafeed dhaliyay, gaar ahaan agagarka deegaanka Aw Barkhadle.
Shirkan Baabuur ayaa ka dhashay ka dib markii ay isku dhaceen laba baabuur oo mid ka mid ah ay saarnaayeen ilaalada gaarka ah ee Guddoomiyaha Golaha Wakiillada Somaliland iyo xisbiga mucaaridka ah ee WADDANI Cabdiraxmaan Maxamed Cabdilaahi (Cirro) oo socdaal ugu sii jeeday deegaanka Dacarbudhuq ee degaanka Laasgeel.
Warka ayaa intaas inay shilkan ku dhaawacmeen 5 qof oo la kala socaday labadan Baabuur ee isku dhacay, kuwaas oo dhaawacooda lagula tacaalayo Cusbtitaalka guud ee magaalada Hargeysa.
Waxaana shilkan baabuur uu sababay sida naloo sheegay khasaaraha dhaawaca 5 qof oo la kala socday labada gaadhi iyagana oona dhaawaca dadkaasi loosoo qaaaday cusbitaalka magaalada hargeysa.
Darawalkii waday gaadhiga yar ayaa la sheegay in xaaladiisa caafimaad ay aad u adag tahay wallow ay dhakhaatiirta cusbitaalka hargeysa la tacaalayaan xaaladiisa.
Jidkan isku xidha Hargeysa iyo Berbera ayaa waxa inta badan ka dhaca shilal galaafta nolosha dad badan, iyadoo hay’addaha ka masuulka ah arrimaha nabadgelyada wadooyinku ay wadayaasha gaadiidka ugu baaqeen inay si taxadir iyo masuuliyadnimo ku dheehan tahay u isticmaalaan jidka.
Somalilandpost.net