Nairobi(SLpost) — Gudoomiyaha maxkamada sare ee Kenya Dr. Willy Mutunga ayaa maanta xafiiskiisa ku qaabilay gudoomiyaha maxkamada sare iyo ta Dastuuriga ah ahna guddoomiyaha gudidda cadaaladda ee Jamhuuriyada Somaliland Prof. Adam Xaaji-Cali Axmed oo Safar shaqo ku jooga magaaladda Nairobi ee dalka Kenya.
Gudoomiyaha maxkamada sare ee Kenya Dr. Willy Mutunga waxa uu dastuurka dalka Kenya hadyad u siiyay gudoomiyaha maxkamada sare Jamhuuriyada Somaliland Markii uu soo booqday.
Prof. Adam ayaa Gudoomiyaha Maxkada Sare ee Kenya si weyn ugala sheekaystay iskaashi dhexmara iyo walliba sidii ay Somaliland wax uga baran lahayd nidaamka Garsoorka Kenya oo aad u hor marsan.
Gudoomiyaha Maxkamada Sare iyo ta Dastuuriga ah ee Somaliland ayaa intii uu joogay Kenya ka qayb galay laba shir oo caalami ah. Shirka hore waxa uu ku saabsanaa “Shuruuucda oo la is waydaarsadaa doorka ay ka ciyaarto xoojinta Dawlanimo sharci ku dhisan iyo maamulka ku dhisan hanaanka Axsaabta badan ee Qaarada Africa.
Somalilandpost Office, 2015
