Hargeysa(SLPOST) Guddoomiyahii Komishanka Doorashooyinka Somaliland Ciise Yuusuf Xamari ayaa ku dhawaaqay in uu is casilay isaga oo ku sababeeyey iscasilaadiisa Mid shakhsi ah oo isagu uu doonayo in uu xilkaasi ka fadhiisto.
Warsaxaaafadeed ka soo baxay Xarunta Komishanka doorashooyinka oo soo uu ku saxeexan yahay Agaasimaha guud ee Guddiga Doorashooyinka Qaranka Cabdiraxmaan Siciid Yuusuf, ayaa lagu shaaciyey is-casilaadda guddoomiyaha doorashada guddoomiyaha Cusub, kaas oo u dhignaa sidan:
“Maanta oo ay Taariikhdu tahay 22ka April, 2014 waxa uu komishanka Doorashooyinka qaranku la socodsiinayaa Bulsha weynta reer Somaliland, Xisbiyada Siyaasadda, Xukuumadda Iyo Daneeyeyaasha Doorashooyinka:
1.In Guddoomiyihii Komishanka Doorashooyinka Qaranka Mudane Ciise Yuusuf Maxmaed uu arrimo Shakhsi ah awgood codsaday in uu banneeyo jagada Guddomiyaha KDQ taasoo uu qoraal rasmi ah kaga codsaday xubnaha KDQ 20-KII April 2014.
2:Xubnaha KDQ waxa ay si wada jir ah uga aqbaleen (Unanimously agreed) in mudane Ciise Yuusuf uu banneeyo Jagada Guddooomiyaha KDQ iyaga oo ugu mahad celiyay wada shaqayntii xilkaas-nimdii,masuuliyddii iyo hoggaamintii wacnayd ee uu muujiyay muddadii uu hayay xilka Guddoomiyaha KDQ.
3: Sidoo kale, waxaa ay xubnaha KDQ si wada jira ah (unanimously) ugu doorteen shalay oo ay taariikhdu ahayd 21ka April 2014 xilka Guddomiyaha KDQ mudane maxamed Axmed Xirsi Geelle Waxaanay ilahay uga Baryayaan un uu u fududeeyo hawshaa culus.
Go’aan Komishanka
Tixraaca Warqadda oo uu soo qoray Guddomiyaha koomishanka Mudane Ciise Yuusuf Maxamed soona baxday 20kii April,2014 nuxurkeeduna ahaa bannayn xilkii guddomiye ee KDQ.
Haddaba,ka dib markii ay xubnaha koomishanka Doorashooyinka Qaranku ka baaraan degeen isla markaasna ay lafa gureen codsiga mudane Ciise yuusuf maxamed waxaa ay go’aamiyeen in ay ka aqbalaan Codsigiisa ah in uu banneeyo xilkii Guddoomiyaha KDQ.
waxa Xxubnaha KDQ ay uga mahad celinayaan wada shaqayntii iyo hoggaamintii wacnayd ee uu ku suntanaa muddadii uu ahaa Guddomiyaha KDQ.
Sidoo kale,waxaa ay komishanka Doorashooyinka Qaranka sida uu tilmaamayo Qodobka 11d,faqraddiisa 1aad xarafka (b) ee Xeer lr. 20/2001 maanta ii ay taariikhdu tahay 21 April,2014 u doorteen Xilka Guddoomiyaha KDQ mudane maxamed Axmed Xirsi Geelle waxaanay u rajaynayaan in ilaahay xilkii u Fududeeyo.
Xubhana Koomishanka Doorashooyinka Qranka
Maxamed Axmed Xirsi Geelle Guddoomiye—————
Cali Khadar Xassan Cismaan G/ku-Xigeen—————
Eng.Ciise Yuusuf Maxamed Xubin———————
C/fataax Ibraahim Xassan Xubin———————
C/raxmaan Maxamed Ismaaciil Xubin————————-
Raabi Cabdi Maxamed Xubin————————-
Faarax Abiib Aadan Faarax Xubin——————
