Hargeysa, (SLpost)- Xisbiga Mucaaradka ah ee UCID ayaa dhalleecayn u jeediyey guddoomiyaha Golaha wakiillada isla markaana aqbalay is-casilaaddiisii xubinimada Xisbiga.
Warsaxaafadeed ka soo baxay xafiiska xoghayaha guud ee Xisbiga UCID ayaa lagu sheegay in Md. Cabdiraxmaan Maxamed Cabdilaahi uu ku gudo jiro hawl-gal uu ku burburinayo xisbiga UCID isla markaana aanu ka mid ahayn xisbiga UCID, xubinimadii golaha wakiilada ee xisbiga uga soo baxayna aanay waxba ka jirin.
Warsaxaafadeedka ku aaddan Mr. Cirro ayaa u dhignaa sidan:
“Sida aynu la wado socono waxaa cad in uu qandaraas ku qaatay Gudoomiyaha Golaha Wakiilad mudane:Abdirahmaan Cirro in uu burburiyo Xisbiga Cadaalada iyo Daryeelka ee UCID iyadoo ay ka markhaati kacayso go’aanki qayrul shacriga ahaa ee isaga iyo aadan mire waqaf ay bishii 24 july 2011 ay ku sheegteen in ay rideen hogaanki sharciga ahaa ee xisbiga iyadoo waliba ay xukumaduna u xidhay dhamaan xafiisyadii xisbiga qaranka ee UCID iyadoo uu isla markaana uu xeer ilaaliyaha guud ee qaranku xisbiga UCID ka diiday in uu dacawad ku oogo cidii lacagta xisbiga sida sharci darada ah ula baxday .
Hadaba iyadoo aanu u mahadnaqayno maxkamada sare ee go’aamisay go;aankii xaqa ahaa ee 11 Sebt 2011 daaqadana ka tuurtay go’aankoodi sharci darada ahaa.
Ayaa waxa uu gudoomiyaha Wakiilada Mudane:Abdirahmaan Cirro wali wadaa dagaal iyo dacaayado uu ka fidanayo xisbiga UCID isagoo bishan lixdeedii ku dhawaaqay in uu sameeynayo urur madashaas uu Abdirahmaan kaga dhawaaqayey ururka oo uu gudoomiye ku xigeenkisa barlamaanku mudane:Abdicasiis Samaale si cad u sheegay in uu abdirahmaan gacan wayn ka gaysatay guushii uu ka gaadhay kulmiye doorashada madaxtooyada taas oo uu Abdirahmaan cirro ku jabiyey xeerkii xisbiga iyo distoorka qarankaba iyadoo horena aanu u qabnay tuhunkaas..
Hadaba anagoo tixraacayna hadalkaa uu madashas ka yidhi in uu iska casilay xubinimadii xisbiga ee uu ku fadhiyey golaha wakiilada kuna ahaa gudoomiyaha isagoo jabiyey distoorka , xeerka xisbiga iyo xeerka nidaamka ururada iyo axsaabta ee Xeer No:14/ waxa uu xisbigu go’aansaday in uu ka aqbalo is casiladiisaa soona buuxsado xubinimadaas sida sharcigu dhigay.
Maadaama oo uu ku biiray urur aan jirin , kuraasna aan ku lahayn golaha wakiilada.
Sidaas daraadeed waxaanu ka codsanaynaa haayadaha qaranka ee ay khusayso arintani in ay fuliyaan go’aankaas ka soo baxay xisbiga UCID waxaan kaloon xasuusinayana dhamaan xildhibinaada golaha wakiilada in aanu gudoomiyahii hore ee golaha wakiiladu mudane Abdirahmaan Cirro aanu matalin xisbiga, lumiyeyna xubinimadii Golaha wakiilada.”
Somalilandpost.net
Contact@somalilandpost.net