Borame (SLpost)- Wasiirka wasaaradda Gaashaan dhiga Md Axmed Xaji Cali Cadami iyo wafti uu hogaminayo ayaa maanta gaadhay degmada xariirad ee gobolka salal socdaalkaas  oo la xidhiidha  u kuurgalida  hawlaha nabad galyada ee degaankaasi .
Wasiirka iyo waftigiisa oo ay ka mid yihiin wasiirka wasaaradda xanaanada xoolaha Dr Cabdi Aw Daahir iyo wasiirka duulista iyo hawada Md Maxamuud Xaashi Cabdi oo maalintii shalay socdaal shaqo ku tagay xarunta gobolka Awdal ee Boorama, ayaa maanta u gudbay dhinaca gobolka salal isla markaana gaadhay dagmada xariirad .
Waftiga oo socdaalkooda uu ku weheliyay gudoomiye ku xigaeenka gobolka awdal mudane cabdi nuur sugaal ayaa markii ay gaadheen dagmada xariirad waxa halkas ku soo dhaweeyey maayeka dagmada iyo taliye ku xigeenka hogaanka ciidanka birmadka .
Wasiirka gaashaan-dhigga oo ciidamada qaranka eedegmadaas ku sugan hadal u jeediyay ayaa ku bogaadiyey doorka ay ka qaataan hawlaha nabadda , kuna adkeeyay inay dedaalkooda ku wajahan arrimaha nabadgalyada degaankaas ay sii laban laabaan.
Waftiga ayaa inta ay ku guda jiraan socdalkooda degmada Xariirad waxa ay kulamo kala yeelan doonaan duqayda iyo waxgaradka degaankaas sidii loo sii aadkayn lahaa nabad galyada.
SOMALILANDPOST.NET
