Waxaan si qiimo badan u salaamayaa dhamaan bulshada Somaliland iyo bahda war baahinta ee madaxabanaan.
Golaha deegaanka hargeisa waa shan iyo labaatan xubnood runtii xubin kastaaba waxay u galeen  golaha deegaanka waa dan isaga un u gaara waayo waxaad ka garanaysaa ma jiro mid qudha oo leh wax ha la qabto kuma arkaysid marnaba . taasina waxay sababtay in maanta wado xumadu sii balaadhato waliba qaybo ka mida magaalada hargeisa oo caasimadii ah ayaa waxaan kaba jirin wax wado ah habaysan  oo marka aad dhex tagtid aad aad ula yaabaysid sida ay u eeg yihiin iyo sida dawlaa hoose markasta indhaha ugu daawato wado xumada dalka ka jirta sidaana aynu caasimad ku sheeganaynaa.
 Hadaba hadaan u soo dhaadhaco ujeedada ugu muhiimsan waxa weeye waxa jira xaafado badan oo hargeisa ay ku haysato wado xumo waxaana ka mida wadada new hargeisa  ee isku xidha hargeisa iyo burco ayaa ilaa inta laga baxayo xaafadaas waxaad ku arkaysaa wadadii oo aad u jajabsan,dilaacsan, taas oo markuu roob da,ana aad aad u naxaysid waayo looma samayn meel kaliya oo uu daadku maro, runtii waxa dawlada hoose aanay aad u garanayn sida biyaha iyo roobabka la iskaga farsameeyo  iyagoon walina aan u samayn wax qorshe ah.
Hadaba bal soo fiiriya xaafada new hargeisa wadada wayn ee dhex marta ka dibna qiimeeya siday tahay walaahi waad naxaysaa hadaad aragto marka uu roob da,o iyo markastaba.
Waxa iyana soo raaca xaafada biibsiga oo iyaduna aanba lahayn wax wadaa taas oo markasta sababta in dadku karahsadaan dhamaan dawlada hoose iyo cidkasta oo awood u lahayn xalinta wado xumada dalka. Xaafada biibsiga waxa ku taal jaamacadii qaranka EE UNIVERSITY OF HARGEISA waxaanay u baahan tahay in si dhakhsaa wado loogu sameeyo oo aan la daawan wado xumada xaafadaha qaarkood waxa waliba soo raaca xaafadahaasi ma laha goobaha qashinka ee loo yaqaan waste collection box kaas oo aanay lahaynba . ardayda jaamacada hargeisa waxaan leeyahay idinkoo aqoontiina ku daraya bal isku daya inaad idinku samaysataan wadadaas imanaysa jaamacada si aad uga maarantaan cidkalaba.
Waxaan hadaba kula talinayaa dhamaan dawlada hoose iyo xildhibaanadeeda in lagu sameeyo qiimayn labadaas xaafadood inkastoo aanay iga hayn xumaan sheeg laakin ay iga tahay in wax la qabto oo aynu noqono dawlad meelkasta ka dhisan oo dadkeedu u bogeen.
Waxaan kaloo u baaqayaa dhamaan dadka degan xaafadahaas new hargeisa iyo biibsiga inay dawlada hoose la shaqeeyaan oo ay isku dayaan inay iyaguba dhistaan wadooyinkooda haday awoodaan oo ay xaafad xaafad wax uga ururiyaan gudida xaafadu waa ay ka maarmi karaan dawlad hoosaba farxad na way u noqonaysaa dawlada iyo cidkastaba .
Xildhibaanadana waxaan leeyay kolay waad ku cusub tihiin shaqade ma fiicna in laydin canaanto ee waxa wanaagsan inaad samaysaan indho indhayn oo aad kormeer samaysaan marmarka qaarkood oo waliba aad ogaateen xaalada xaafada kolay waad ogtiin oo waaba aad dhex degan tihiin laakin wax qabadkiinii ayaa loo baahan yahay .
N.B
Aynu qabsano waxkasta oo aynu qabsan karto .
Dawladana hoosana aynu kula shaqayno talo iyo toosinba
Farhan Mohamed Hassan sultan nur (Rakad)
 Email: farxaanmxd@gmail.com
TELL: 252263–4400319
