Tixdan gabayga waxa tiriyey Abdihakim Mohammad Taajir, waxaanay jawaab u tahay Gabayga GAABANE ee Abwaan Axmed-Fartaag kula hadlay Wasiir Xirsi X. Cali, kuna Difaacayey Gabadha Xidhan ee ku eedaysan inay Farriin Aflagaaddo ah u dirtay Wasiirka
Tixdu waxa ay ku bilaabantay:
Axmedoow gayaankay ma arag, goortan ka horowe
Gabdhuhu xishoodbay lahaayeen, geyiga Soomaali
Sow gabadhi tii gaabsatee, gunuuc lahayn maaha
Naagtaa gambada tuurtayee, gibil madoobaatay
Ee guuraha habeenkii guddee, gebiba soo meertay
Garab rarato noqotayee, gama’ mulayn wayday
Goobyaalka laafyaha hebeenkii, galac ka siinaysa
Gucle orodka seeraarka iyo, geylan dirirteeda
Gelbis iyo aroos loo tumo diidayee, gacan togaalaysay
Gogol dhaafku waa badanyahee, guri ka dheeraatay
Garacyalayna lagu sheegayee, gidaarada ku sheekaysay
Farriimaha geeridaa haday, madaxda gaadhsiisay
Xaajadaa god-raaca leh hadii, loo gabbala eego
Sida ay u kala geysantahay, way gun dheertahaye
Sow inuu gudbiyo haatan Xirsi, lama gudboonaanin
Maxaad uga gubanaysaa, gabadha edebta loo yeelay?
Abdihakim Mohammad Taajir
Abdihakim_m_taajir@hotmail.co.uk
