Sxbyaal salaan guud, waxaan jeclahey in aan wax ka yidhaadhdo siyaasada M/weynaha ee ku aadan arimaha dibeda oo aan ka soo qaadanayo dhawrkan qodob ee hoos ku xusan
1) M/weynuhu wuxuu sheegey in siyaasadii arimaha dibeda ee Somaliland uu bedeley lamana qeexin bedelkeeda(political statement only)
2) M/weynuhu wuxuu magacaabey safiir keliya oo la socdey magacaabista wasiiro, kaasoo ahaa safiir uu u magacaabey Ethopia, macnihiisuna ahaa ethopia muhiim nooma aha.
3) M/weynuhu wuxuu dhowr jeer ka dhawaajiyey xidhiidhka jaamacada carabta waxa la isweydiiyey ma inaga ayaa majaharihii badalney mise iyaga ayaa isbedeley? jawaabtu waa inaga ayaa isbedelney, jaamacada carabtu waxay ku adeegtaa siyaasada arimaha dibeda ee MASAR oo ku aadan in ethopia ay ahaato cadowga beesha soomaaliyeed tii ALLAH ayaa timid oo hilfaha u laabtey dawladii MASAR.
4) M/weynaha dawladiisu waxey tiro dhawr jeer ah ku celisey iney meel kasta u tegeyso danta Somaliland, su’aal meel kasta macnahee ayeey leedahey? lagama jawaabin ilaa hada waase lagu dhaqmaa si qarsoodi iyo muhmal ahba.
5) Shirkan London waa Booraan Hadimo oo uu M/weynuhu toos u ogyahey,wuxuuna door bidey in uu cad quudheed qaato, oo lacag iyo wax la mida oo shuruud quudheed ku jirto taasoo aynu ka calool adeygney toosna u diidney oo aynu nidhi GORGORTAN ma leh inagoo dhulka naalna 1991-2000, maanta oo aan dhisnahey kana fiicnahey dhan kasta waa maxey baahida maanta cad quudheed i cunsiineysa hase yeeshee waxaa maanta guudka u ritey ceebtaasi kaliya Golaha Wakiilada Somaliland, xukuumadu horeba wey iga qeyb gashey iyadu oo waa kii XIIMAAYE(wasiirka arimaha dibeda) lahaa waa markii u horeysey.
Afkeyga soo marin maayo Golaha Guurtida oo aan u arko waxa keliya ee aanu dheernahey Somalia,Gobolka,Geeska iyo Aduunkaba, qodobkan la hor keeneyna waa qodob si gaar ah u taabanayey Wakiilada, shirkan ma aha shir Soomaliya loo qabtey ee waa shir aduunyadu ka tashatey Somalia, waana Maxmiyad la gaadhsiinayo dawladnimo sidii 1950-1960, tana waa 10 sanno oo soo noqdey li’anna taariikhdu wey soo noq-noqotaa, kolkaas waa bar madow oo taariikhda siyaasadeed ee M/weyne Siilaanyo ku ooli doonta.
SOMALILAND horeyna siyaasi waxba yeeli kari waa maantana wey ku sii koreysaa waxeyna talaabadani soo dhaweyneysaa barkhadii iyo barwaaqadii ay SOMALILAND sugeysey mudada dheer oo ah dawladii CADAALADA taasoo dhamaan astaamihii muujinayey in la gaadhey ay muuqdaan, laakiin qolada hada horboodeysa kuma shaqeynayaan majarahaasi iyo mid u dhow toona waxey ku shaqeeyaan bil cakis waase mahad ALLAH kol hadii taagerayaashii indhaha iyo dhegahaba dabooshey maanta ay iyagu ugu dhawaaq dheer yihiin oo wixii shaley ay diidanayeen iney maqlaan oo aheyd RUNTII ay maanta qasab ku noqotey hadey jecel yihiin iyo hadey neceb yihiinba RUNNI WAA KAMA RAYS NOQOTEY
DHIGTA UDUB LA DOON DOON
DHUD AH OO XARIIR AH IYO
ISMA LAHA KU DHIICO LEH
DHAQSO UGU JUQAASHIYO
WAA SIDEE DHIMBIILOOW
INEY KALA DHAQAAQDEY
KU DHAWAATEY CAAWEEE
DHAWRKAN JILIBEE LOO SHIREY
DHUBUQ DHUBUQ HORAAN
DHABANADA LA HEYSTEE
DHAMACAW BAL FAALEE
DHAQANKEENU SUU YAHEY
SOO DHAWAA ILOWSHUHU
DHALINTII HARGEYSIYO
AAWEY DHAAYAHEENII
INTA DHAAWACEEN QABNO
MIDNA INAGA OON DHAYIN
MIYEEYNU HADAL KU DHAAFNAA?(shahiid AXMED-JIINIYAS)
Ismail M Gadiid London
imgadiid@gmail.com
19-02-2012
