New York, (SLpost)- Saddex qof oo soomaali ah oo lagu xidhay dalka Mareykanka, gaar ahaa magaalada New York ayaa qirtay dembi ah inay ka mid yihiin kooxda Al-shabaab.
Saddexdan qof ee soomaalida oo dhamaantood rag ayaa dhawaan lasoo taagi doonaa maxkamad ku taalla magaalada New York.
Raggan ayaa waxay magacyadoodu kala yihiin:-
1- Mahdi Xaashi, 25 sanno jir
2- Cali Yaasiin Axmed, 30 sanno jir iyo
3- Maxamed Yuusuf oo 32 sanno jir ah.
Waxaana laga soo qabtay nimankan xuduudka u dhexeeya waddamada Jabuuti iyo Soomaaliya sannadkii 2012-kii, kuwaasoo markii dambe gacanta loo geliyay ciidamada Mareykanka eek u sugan dalka Jabuuti.
Xeer-ilaaliyeyaasha ayaa raggan ku eedeeyey in xilliga la qabtay ay doonayeen in ay u safraan gudaha Soomaaliya si ay ugu biiraan ururka Al-shabaab, isla markaana ay u fuliyaan falal argagixisnimo.
Saddexdan nin ayaa qirtay dembigooda oo ah in ay taageereen ururka Al-shabaab, iyadoo qiraalkoodu uu u sahli doono in laga cafiyo eedeymo kale oo loo haystay sida in ay haysteen hub sharci darro ah, waxaana maxkamadda la horkeeni doonaa bisha June 1-deeda.
Somalilandpost.net
