Magacyada 11 Xubnood oo loo Xulay Shir-guddoonka iyo Agaasinka Shirka HOODAALE ee Beel-weynta Sacad Muuse

Hargeysa (SLpost)-Suldaanka Guud ee Subeer Awal, Salaadiinta beelaha Sacad Muuse iyo  Guddidda Ganacsatada, ahna guddida qabanqaabada, ayaa si wada jir ah u soo saaray guddi hoggaaminaysa shirka beelaha Sacad Muuse ee la filayo inuu ka qabsoomo degaanka Agabar ee Gobolka Gabiley.

Sida lagu sheegay qoraal xalay ka soo baxay Mr. Maxamed Xuseen Axmed-yaasiin oo ah Afhayeenka Guddida Ganacsatada, ahna guddida qabanqaabada shirka Sacad Muuse, waxa la magacaabay 11 xubnood oo isugu jira xubnaha shirguddoonka shirka Agabar iyo hawladeennada kale shaqayn doona muddada shirku socdo.

 “Suldaanka Guud ee Subeer Awal, Salaadiinta Sacad Muuse, guddida ganacsatada, isla markaana ah guddida qabanqaabada shirweynaha Sacad Muuse, waxay wada jir u soo saareen guddida Hoggaaminaysa shirka Sacad Muuse oo ka kooban 11 xubnood ee magacyadooda iyo xilalkooduba hoos ku qoran yihiin, sidaa darteed, waxaan ugu baaqaynaa dhammaanba bulshoweynta beelaha Sacad Muuse guddo iyo dibadba inay si buuxda ula shaqeeyaa.

11-ka xubnood ee shirka Sacad Muuse hoggaamintooda waxay kala yihiin;

1-     Guddoomiyaha Shirguddoonka – Sheekh Almis Yaxye Xaaji Ibraahim

2-     Guddoomiye-ku-xigeenka 1aad – Chief Caaqil Cabdiraxmaan Xasan Xoore

3-     Guddoomiye-ku-xigeenka 2aad – Dr. Maxamed Aw Daahir Ibraahim

4-     Guddoomiye-ku-xigeenka 3aad – Nuur Cismaan Aadan

5-     Xoghayaha Guud – Siciid Muuse Bustaale

6-     Kaaliyaha Xoghayaha – Eng. Maxamed Aw Yuusuf Cumar

7-     Kaaliyaha 2aad ee Xoghayaha –  Ibraahim Faarax Cabdi

8-     Afhayeenka shirka – Prof. Mawliid Maxamed Muumin

9-     Hab-maamuuska shirka – Carab Xaaji Maxamuud Cali

10- Nabadgelyada iyo kormeerka Shirka – Cali Maygaag Muuse

11-Agaasinka Shaqaalaha – Xasan Siciid Muxumed

Hargeysa, Somaliland