Madaxweynaha Somaliland oo Guddi heer Qaran ah u magacaabay Xuska Maalinta Madax-bannaanida ee 18 May

SiilaanyooHargeysa (SLpost)- Madaxweynaha Somaliland Md Axmed Maxamed (Siilaanyo), ayaa guddi heer qaran ah u magacaabay Qaban-qaabada Qaban-qaabada Xuska 18-ka May ee Sannadkan oo ah maalintii ay Somaliland madax-bannaanideeda kala soo noqotay dalweynihii laysku odhan jiray Soomaaliya oo Somaliland la midowday sannadkii 1960-kii oo ku beegnayd Afar maalmeed ka dib markii Somaliland xornimada ka qaadatay Guumaysigii Ingiriiska.

Digreetada Madaxweynaha ayaa u dhigneyd sidan: “Madaxweynaha JSL, Mudane, Axmed Maxamed Maxamuud (Siilaanyo) waxa uu digreeto madaxweyne oo sumadeeduna tahay JSL/M/MG/241-1695/042013 ku magacaabay Gudi heer qaran ah, qaban-qaabada Xuska 18-ka May. Gudidaas oo ka kooban 11 xubnood waxa Gudoomiye looga dhigay Wasiirka Arrimaha Gudaha JSL, Mudane Maxamed Nuur Caraale (Duur).

Magacaabid Guddida Qaban-qaabadda Xuska 18 May ee Madaxweynuhu Magacaabay:-

Ku:         Wasiirka Wasaaradda Arrimaha Gudaha      (Guddoomiye)                                      Hargeysa

Ku:           Wasiirka Wasaaradda Warfaafinta, Dhaqanka iyo Wacyigelinta                                       Hargeysa

Ku:           Wasiirka Wasaaradda Wax-barashadda iyo Tacliinta Sare                                               Hargeysa

Ku:           Wasiirka Wasaaradda Dib-u-dejinta                                                                    Hargeysa

Ku:           Wasiirka Wasaaradda Kalluumaysigga iyo Khayraadka Badda                                         Hargeysa

Ku:           Wasiirka Wasaaradda Warshadaha                                                                                     Hargeysa

Ku:   Wasiir Ku-xigeenka Wasaaradda Caafimaadka                                                Hargeysa

Ku:           Agaasimaha Guud ee Wasaaradda Madaxtooyadda                                                            Hargeysa

Ku:           La-taliyaha Madaxweynaha ee Arrimaha Dadka laga tirade badan yahay                       Hargeysa

Ku:           Maayar Ku-xigeenka Caasimadda Hargeysa                                                                      Hargeysa

Ku:           Xildhibaan Axmed Maxamed Diiriye Nacnac                                                                        Hargeysa

 

Ujeeddo:  Magacaabid Guddida Qaban-qaabadda Xuska 18 May.

Mudaneyaal iyo Marwooyin,

Sida aad la socotaan waxa foodda inagu soo haya haddii Eebbe idmo Xuska sanad guuradda 22aad ee maalinta Qaranimada Somaliland ee 18 May, maalintaas oo mudan xus iyo xusuus gaar ah.

Sidaas darteed, waxa aan mas’uuliyiinta qoraalkani sida tooska ah ugu socdo u magacaabay Guddida heer Qaran ee Qaban-qaabadda Xuska Sanad-guuradda 22aad ee maalinta Qaranimadda Jamhuuriyadda Somaliland ee 18 May.

Haddaba, waxaan Guddida Qaban-qaabadda ka rajaynayaa inay xil qaranimo iska saari doonnaan xuska maalinta 18 May oo mudan qadarin gaar ah. Sidoo kale, maamullada Gobollada iyo Degmooyinka waxa aan farayaa inay Guddida gacan buuxda ku siiyaan gudashada hawshan.

 

ALLAA MAHAD LEH

Axmed Saleebaan Maxamed (Dhuxul)

 Af-hayeenka Madaxtooyada JSL.