Hargeysa (SLpost)- Madaxweynaha la-doortay ee Somaliland Md Muuse Biixi Cabdi, ayaa guushii maanta loo dhawaaqay kaddib la hadlay saxaafadda, waxaanu u mahadceliyey dhammaan shacbiga, Saddexda Xisbi Qaran iyo Ciidamada Ammaanka.
Md Muuse Biixi Cabdi oo ka hadlayey dareenkiisa ku aaddan guusha uu xisbigiisu ka gaadhay doorashada iyo masuuliyadda xilka loo igmaday, waxa uu sheegay inuu dareemayo culays weyn oo la saaray, maanta laga bilaabana ay u siman yihiin dhammaan shacbiga Somaliland isla markaana uu ka shaqaynayo midnimada shacabka iyo xoojinta ammaanka dalka.
MUUQAALKAN HOOSE KA DAAWO SHIR-JARAA’IDKII U HORREEYEY EE UU QABTO MADAXWEYNAHA LA DOORTAY
https://youtu.be/hpCizbDMqfA
