Hargeysa (SLpost)- Alle ha u naxariistee waxa maanta aas qaran loogu sameeyey magaalada Hargeysa Maareeyihii Wargeyska Madaxa bannaan ee Ogaal, Marxuum Cabdiweli Faarax Jaambiir oo shalay gelinkii dambe ku geeriyooday magaalada Hargeysa.
Marxuumka oo sannadihii u dambeeyey la il-darnaa xannuunka Joonis-Cadka (Hepatitis B), ayaa shalay ku geeriyooday cusbitaalka New Hargeya ee caasimadda Somaliland oo uu in muddo ah u yaallay dabbiibka xannuunka, haseyeeshee waxa ay tiisu dhammaatay oo uu geeriyooday shalay gelinkii dambe.
Aaskar Qaranka oo maanta loogu sameeyey Xabaalaha Naasa Hablood ee duleedka Hargeysa, waxa ka soo qayb-galay masuuliyiin isugu jirta Axsaabta Qaranka, Xukuumadda, Bahda Saxaafadda, Qalinka iyo Dadweyne Tiro badan.
HALKAN KA DHAGAYSO WEEDHIHII LAGA YIDHI