Burco (SLpost)- Dagaal sababay khasaare dhimasho iyo Dhaawac isugu jira, ayaa deegaanka Horufadhi ee degmada Buuhoodle ku dhexmaray Laba beelood oo walaalo oo deegaankaas wada dega.
Deegaanka Dirirtu ka dhacday oo ka tirsan gobolka Buuhoodle ee Somaliland, ayaa waxa ku dagaalamay labada beelood oo ka wada tirsan Beesha Dhulbahante ee deegaankaas kuwaas oo kala ah beelaha Jaamac Siyaad iyo Reer Hagar, kuwaas oo dagaalka dhexmaray galabta ka bilaabmay Nawaaxiga tuulada Horufadhi.
Lama oga khasaaraha dhabta ah ee dagaalkan ka dhashay, haseyeeshee wararka laga helayo xarumaha Caafimaadka ee deegaamadaas, ayaa sheegaya inuu dagaalku sababay dhimashada hal qof iyo dhaawac laba kale.
Ubucda khilaafka labada beelood ee gacan-ka-hadalka isku beddelay, ayaa dhashay dhul deegaan-daaqsimeed y labada beelood ku muran san yihiin kaasoo muddooyinkii u dambeeyey khilaafkiisa laga dareemay deegaanadaas.
Deegaanka Dirirtu ka dhacday ayaa dhanka Woqooyi kaga beegan magaalada Buuhoodle, waxaanu u dhexeeyaa magaalooyinka Ceegaad iyo Qorulug oo ay kaga beegan tahay jihada Bari.
SOMALILANDPOST.NET
