Hargeysa (SLpost)- Waxa maanta la soo gebo-gabeeyey Imtixaanka Shahaadiga ah ee Dugsiyada Sare ee dalka, iyadoo maalintii Salaasada ee 18-kii Bishan uu soo gebo-gaboobay Imtixaanka Shahaadiga ah ee Dugsiyada H/Dhexe.
Munaasibad Xarunta Imtixaanaadka Qaranka ee magaalada Hargeysa loogu qabtay maanta soo-xidhitaanka Imtixaanka Shahaadiga ah ee sannad-dugsiyeedka 2018/2019, waxa ka qayb-galay masuuliyiinta Wasaaradda Waxbarashada iyo Sayniska oo ugu horreeyo Wasiirka Wasaaraddaas, Guddoomiyaha Xafiiska Imtixaanaadka Qaranka iyo masuuliyiin kale.
Wasiirka Wasaaradda Waxbarashada iyo Sayniska oo halkaas ka hadlay ayaa sheegay inuu si guul ah oo nabad-gelyo ku soo dhammaaday Imtixaanku, isla markaana ay sannadkan wasaarad ahaan ku guulaysteen inay xakameeyaan caqabado badan oo soo wejihi jiray imtixaanka Shahaadiga ah.
Faahfaahinta Warkan kaga bogo Muuqaalkan Hoose.Â
