Dalka Ciraac wsaxa mudaaharaadyo isugu soo baxay magaalada Bagdaad boqolaal kun oo qof oo ka mudaaharaadaaya laydhkii oo ka wada go’ay guryahoodii , iyadaoo sanadkan kulayl xumi ka dhacay dalka Ciraaq , waxaana sababay in ay shacabku laydh beelaan musuq-maasuqii oo xad dhaafay oo hantidii loogu talo galay in laydhka magaalooyinka lagu daryeelo , ay mas’uuliyiintii qaabilsanayd ay lunsadeen .

Arintaasu waxay sababtay in dalka Ciraaq magaalooyinkii oo dhan mudaaharaadyo ka dhacaan , waxaanay xukuumaddii dalku ku kacday.

in ay mas’uuliyiintii ku lug yeelatay musuq-maasuqaa iyo hanti lunsashadaa in xilalkiilaga qaaday oo maxkamado loo diray in dadkaa la soo taago , arintan mudaaharaadyaduna waxay sababeen in xukuumaddu la xisaabtanto ciddii ka mas’uul ahayd arimahan musuq-maasuqa .

Dalka Lubnaan -na waxa ka dhacay mudaaharaadyo ay sabab u ahayd in magaalada caasimadda ee Bayruut qashinkii iyo kuddaafaddii laga guri waayay todobaadyo , arintaa oo sababtay in dadweynihii Bayruut ku noolaa ay issu soo baxaan oo ay xukuumadda ku mudaaharaayaan oo ay codsadaan in kudaafadda magaalada laga guro .

Arintanna waxa keenay markii ay shirkadihii qaabilsanaa ururinta kuddaafadaha ay shaqadoodii qabsan waayeen musuq-maasuq awgeed oo ay mas’uuliyiintii qaabilsanayd ay cuneen lacagtii shirkadahan la siin lahaa , bulshadiina way qaadan kari wayday arintan , iyaga oo u dulqaatay xukuumadda dalka ka talisa oo laba jeer xilka muddo kordhin ku smaysatay oo uu baarlmaanka dalkuna u ansixiyay muddo kordhin aah sharci ahayn .

Magaalada Hargeysana waxa ka jira harraad iyo surmi aan qiyaas lahayn , laakiin bulshadii ay dhibtanu haysatay oo aan wixii ay xaqa u lahaayeen samaynaynin , xukuumaddana ku mudaaharaadaynin .

Welina kamaynu maqlin xukuumadda Axmed Siilaanyo in ay wax ka qaban doonto dhibaatada haysata caasimadda Hargeysa , welina baadhitaan kumay samaynin waxa sababay iyo sidii xal loogu heli lahaa .

Weligeed-na xukuumadda Axmed Siilaanyo may xisaabin mas’uul qudha oo ka mid ah xukuumaddiisa oo hanti qaran lunsaday .

Wasiirka biyahana weli lama waydiin su’aal qudha oo ku saabsan waxa surmiga dadka caasimadda ku nool ugu jiraqan  ?

Hadaba ilaa iyo goorma ayay bulshada ku nool caasimadda Hargeysa ay ku jiri doonaan harraad iyo surmi ?

Goormayse bulshada reer Hargeysa waydiisan doontaa xukuumadda waxa ay xaqa ugu leeyihiin .

Goormayse xukuumadda Axmed Siilaanyo joojin doonaan musuq-maasuqa iyo hanti lunsiga ay dalka iyo dadka ku hayaan .?

Cali Maxamed Biixi

caliwwelli@hotmail.co.uk

Follow us On