Magaca Alle ayaan ku bilaabaya Mahad oo dhan isaga ayey u sugnaatahay. Qofkii uu laheeyo cidna ma hadayso kuu hadeeyana cid kale ma lahayn karto.
Ilaah waa ma dhintee
Dhaxal weeye warkaygu
Dhaabad wayn u samee
Dhalintii maqashiiyoo
Dhegta hoos ugu sheeg .
Hagaha ama Hogaamiyaha iyo Horjoogsadaha dhabta ah ee qof kasta ALLE (swt) hibada u siiyey waa awooda qalbiga waana deeq adoomadiisa uu kaga duway xayawaanka iyo noolaha intiisa kale, Dheeraad ayuu Waliba kala siiyey iyaga dhexdooda layskumana gaadho doorashada himilooyinka iyo daadihintooda toona. Qaadashada duruusaha nololeed ee Maalinlaha ah, waxa loogu kala horeeyaa kas-bashada xalal kooda iyo meelaha lagala soo baxo intaba.
Iska dhaaf qof inbu-Adam ah ee xataa xayawaanku iskuma gaadhaan kartida iyo korinta noloshoodda. Intuba waa darsi adiga laguu dhigay ee Alle SWt ma jirto ciduu u wayey dheeraadka noocaas ah.
Waa halkaan u socdee waxaan maqli jiray “HADAAD KUN WAYDAY MA KAARTAAD WAYDAY?”. hibooyinku iskuma jiraane alle wuxuu ku manaystay karti maskaxeed laakiin ma yaqaan xeeladaha loo isticmaalo nimcadaas alle ugu deeqay si xor ah, gar ama talo hadii loogu dhiibi lahaa .. ruugcadaa 80 jir ah waa ka yaqaan, kunnimona sinji uma leh, garashadu ma liidato hadanna gafafka naftiisa uu ka galayo ma aqoonsana.
Waa ma gafe, gartii yaqaan, gar-daro badane hadana waa guul wade aan noloshiisa shilin xor ah liqin. Subaxdii Hiirta hore ayuu kacaa oo waxa uu iska xaadiriyaa school ka xanta iyo xumaanta qaybtiisa siyaasada qalafsan iyo calool xumada reer hebel ee Madaxtooyada agteeda (maqaaxiyaha gobolka). Wuxuu si dhow ugu dhuun daloolaa dhamaan dhaq dhaqaaqyada siyaasadeed ee wadanka, Xilliga hadhimada markay noqoto waxa uu xareeyaa macaashkii sarifka/ xanta siyaasada dowladda marba sidaad u taqaan. Taa bedelkeeda shaaha, shidaalka iyo fadhiga maalintaasi waxay saran yihiin miiska, intaa waxa u dheer amaanta iyo iska dhaadhicinta, kalmadaha dhagihiisa ku soo dhaca ee dhiiri-gelinta ah waxa ka mid ah “Kalidii Nin raga, halkaa ka sii wad” iyo xabad dhirbaaxo ah oo garabka bidix looga sii raaciyo.
Sanad kasta guulihiisa shaqsi ahaaneed waxad si tafatiran uga helaysaa aallada bulshada kulmiya ee Face book ga loo yaqaan, Gaba gabadeeduna- waa amaan. Ileen waa habar iyo habeenkeed, Hooyaddii waxay ku fara jabtay maydhida dharkiisa maalin kastana waxay u dhididaa sidii ay qado macaan ugu diyaarin lahayd.
Habel kaas bulshada dhexdeeda waxaa loogu yeedhaa “ waa dhegtii hebel” oo u dhigan iska jir!. Shaadhkii hooyadii maydhay wuxuu ku wasakheeyaa in uu yahay Xamaal bilaa sharaf ah.
Gunaanadka hadal kaygu waxa uu yahay dhalinyaro haysku dayinna in aad siyaasada inteeda xun barataan, ogow in aad ku amaanan tahay wixii wanaagsan,
shaqo la’antu ceeb maaha ee sharaftaada haku ciyaarin!.
W/Q- Rooda Maxamed.
