Maasadan oo ka Hadlaysa Booliska waxa Hal abuuray Abwaan Jaamac Faarax Yuusuf (Jaamac Xaad) Taariikhdu markay ahayd 11/7/2011, waxaanu manta kaga qayb qaadanayaa Xuska Maalinta Booliska ee 3 November 2015.
Abwaanka oo oo ilaahay Hibo u siiyey curinta Suugaanta kala duwan ayaa ah mu’alif suugaantiisa ku cabira aftahanimo iyo hal abaar Mawduuca uu ka hadlayo isla markaana culayska saara Danta bulshada iyo horumarka Qaranka.
Maansada oo dheer waa tan akhriste ee akhri oo dhuux
- Hayaan iyo geedi socod
- Adaan Hogo iyo diraac
- Adaan Hadhsanoo dadaal
- Intaa Hawl adag kujira
- Boolis noo heeganow
- Habeen dumay iyo dharaar
- Dhaxan hawle iyo qabow
- Dabaylaa adaan ka hoyan
- Midkay Heegada da’daa
- Ludiyo Hilibkiisa iyo
- Dhamaan Huga qoysa ee
- hoh iyo Marna aan ax odhan
- Bilays gaadh noo hayow
- Naftii geesiga u huray
- Libtiyo Hanashada amniga
- Nacab halistii bambiyo
- Miinada lagu hoobta iyo
- Hubiyo qarax baas sitoo
- Dalkiyo Inuu heero shacab
- Muskiyo Huliska ugu jira
- Cadaw Kaan ka hamranee
- Yaqaan Habka loo wajahe
- illaah Hibo siiyay ee
- Weer iyo Horror soo qabtow
- Midkaa Hoorigiisa kulul
- Wajiga Hinifkaa ka baxa
- Marnaba nacab haysan Karin
- dushiisana lagu hurdow
- shacab kuu heelan baa
- hareeraa kaa socdoo
- adaa hor allee dociyo
- gamcaa hodooda lee
- gudoon hanbalyiyo salaan
- dadkaagaa kuu han weyn
- hawda kuu soo marsheen
- Habdhaca maansada hogeed
- Hal erey baan sii durkoo
- Higaadii waan shedoo
- Hirkuna waa mawjadii
- Dhexee negahaakiskoo
- Abwaan ma hilmaamayee
- Halkani waa idaacadii
- Raadyow hoobalee
- Hurdow toosoo la soco
- Dhegayso hanuuniyaha
- Habeeyee waxaan kudaray
- Dadwaynaha had iyo goor
- Inay hodanimo dhergaan
- Bilayska u hagar bexee
- Hantida shacab dhawrayee
- Habeenkii tuug dhiciyo
- Halgaagaa maalin weyn
- Haweenka taftood xadaa
- Halkaa minid soo xidhee
- Dalkiisu inuu hor maro
- Yahay hamigiisuyee
- Midhkaa hiyigu faroow
- La’aantaa himilo qaran
- Hubaashii may jirteen
- Shacab kuu heelanbaa
- Hareeraha kaa socdoo
- Adaa hor allee duciyo
- Gacmaha hoodooda lee
- Gudoon hambalyiyo salaam
- Dadkaagaa kuu hanwayn
- Hawada kuu soo marsheen
- Hurin baa kuu abtiya
- Hormona waa seedigaa
- Ini waa habaryartaa
- Badh waa kuu habarwadaag
- Hooyiyo aabaa ku dhalay
- Dadkaa hilib kuugu yaal
- Wadnaha haba dhiigga iyo
- Halbawlaa beerka iyo
- Halkaa sambabkaad ku taal
- waxaad tahay lama huraan
- Hugaad xidhantiyo mushahar
- Waxaad ka heshaa bulshada
- Horseedka amnaa tehee
- Haddii uu dhaco khilaaf
- Hadaad burmatoo dhex tahay
- Habraa buuqiyo ciyaal
- Adoon hadateelinayn
- Adoon laad ku hurgufayn
- Haraatida shacabka dhaaf
- Rasaas hoos hawgu dhigin
- Ka daa hoombaro sulaac
- Waxay hinqisaa sharkee
- Hadal naxariis u dheho
- Hano maankooda oo
- Hayal sami ugu adeeg
- Waxay ka halaan halaan
- Hibtaan weligaa ka dhawr
- Xuquuqda u heegan noqo
- Ilaali hal aadamaa
- Hubka cadaw waxaan ahayn
- Si aan hooyo loogu ridin
- Si aan hablo loola dhicin
- Si aan hanad loogu dilin
- Waa inaad hubisaa bilays
- Ha ridin naafada cadilan
- u eeg maatadana hoos
- Ha noqon hanfade bulshadu
- Habaar ay kula kufaan
- Halkaa idhiye tixaa
- anoon hilinkood ka duwin
- halaasi murtaan u dhigay
- hibeeyee Maxamedow
- Hadraawoow ila gorfee
- Habdhaca maansada hogeed
- Hal erey baan sii durkoo
- Higaadii waan shedoo
- Hirkuna waa mawjadii
- Dhexee nagahaarkiskoo
- Abwaan ma hilmaamayee
- Halkani waa idaacadii
- Raadyaw hoobaloo
- Hurdow toosoo la soco
- Dhegeyso hanuuniyaha
- Habeeyaye waxaan ku daray
- Haddaan umad xeer lahayn
- Haddaanay dastuur lahayn
- Haddaan sharcigu hagayn
- Humaaga wixii ka gala
- Haddaanay u lahayn halbeeg
- Haddaan hareer loo socdiyo
- Haddaan qorshe lagu hirtiyo
- Haddaanay higsiba lahayn
- Hadday ka hurdaan niyada
- Hadday hayb iyo qabiil
- Hadday ku hadaaqayaan
- Hadday dhagar iyo haday
- Dil uun u hamuumayaan
- Hadday hunguri xumaan
- Hadday u hindhaadhiraan
- Hadday soor haybad dhaca
- Hadday u hanqal taagayaan
- Hadday ceeb lagu haftiyo
- Xumaan u hashlaynayaan
- Basharka hankiisa iyo
- Hungay ka yihiin dadnimo
- Hadal daaqsin geel u mari
- Halyey garasha laa la yidhi
- Haydalas qaansada u saar
- Heelkiyo gurgurkeeda dhaw
- Hadduu garan waayo saaf
- Halkaa waxan uga socdaa
- Haldoorku hadaanu talin
- Haddaan dantu waa hurtilee
- Haddaan inta kale hirgelin
- Haddaan hawsha laysla qaban
- Hadday jaantaadu rogan
