– Bulshada Somali-laan, waa Dad intooda badani, ay ka habaaran yihiin amase ay ku adag tahay, dhawrista iyo u haggaansanaanta, Nidaamka fadhiyada Xafladaha laysku marti-qaado, iyadoo la raacaayo Hannaanka, kala danbaynta, kala sarraynta iyo Awaamiirta tusmeynta soo-dhoweeye-yasha( ushers ), iyadoo laga duulaayo hagaajinta Hab-Maamuuska Bulshada dhexdeeda, si qayb kastaba loo fadhiisyo goobta ay mudan tahay, haddii uusan fadhigu markaas ahayn mid guud ee isku-dhex-siideysan (protocol la’aan), kala sooca Ragga iyo Dumarka, mooyaane.
– Si looga baxo dhibaatooyinka cabashooyinka ka soo if-baxa ka qayb-galka xaflaadaha Munaasabadah Qaranka, waxaa loo baahan ayahay, in wax looga qabto, sidatan:-
(1)- In Xafladaha lagu qabto goobo waasac ah( spacious) ee koox kastaba Raalli-gelin karta oo aan Alla-ka-jeed ahayn!
(2)- in Dadka loo xil-saaro soo diyaarinta liiska iyo qaybinta kaadhadhka qaybaha Bulshada ee la marti-qaadaayo, ay ahaadaan Dad Aqoon u leh Acyaanta iyo wax-garadka Bulshada ee mudan in marti-qaadka loo fidiyo, amase loogu yeeedho Madasha
(3)- In mar-kastaba laga fogaado Qof jeclaysi amase koox toocsi nacayb ku salaysan, lana marti-qaadi waayo Dad mudnaa!!
(4)- In kaadhaadhka marti-qaadka loo qaybiyo, si miisaaman oo wax-ku-oolnimo ku dhisan, iyadoo qayb kastaba ay tahay in halkeeda loogu geeyo, laguna Maamuuso.
(5)- In soo dhoweeye kastaba la qaabil- siiyo jaho cayiman, lana siiyo liis qoraal ah ee qaybta Bulshada la marti-qaaday, kana ahaado kor-jooge oo kale safka uu Martida fadhiisiyey, si aysan isugu dhicin iyaga iyo Ciidanka ilaalinta amniga ee Xafladda, Qof kastaaba wuxuu jecel yahay habeenkaas, inuu Madaxdiisa arko oo Salaamo, taasoo aan ku oollin maanka Amni-sugaha (Security) ee lasocodka dhaq dhaqaaqa Bulshada, diiddan Habeenkaas isaga ah.
(6)- Inaan sinaba loo halmaamin Dadkii usoo halgamey Dalkan iyo kuwa ku dhaawacmay Difaaciisaba, lana fadhiisiyo meel u gaar ah oo ay ka muuqdaan!
(7)- Inaan Tafaftirayaasha Wargeysyada waaweyn aan iyagana laga illaawin Casuumaada ee la siiyo tixgelinta ay leeyihiin.
(8)- In cilladaha Samaacadaha,maykaro-foonada iyo korontada Nalka laga feejignaado iyo in sidoo kale loo tooga-hayo Baabuurta Dhaawaca qaadda (Ambulance), loona haaado heegan Caafimaad iyo Dab-damis oo ah lagama maarmaan.
(9)- In Dadka la marti-qaaday ee soo gelaaya Xafladaha la mariyo baadhis saddex Jaran-jaro ah.
(10)- In Sawir-qaadasaasha la siiyo goob u gaar ah oo aysan dib-udhicin, inay Daawadaasha ku sameeyaan isku-gudubb iyo is-hortaag!!
(11)- In Barnaamijyada Xafladaha Qaranka, ay Daa-di-hiyaan wasiirrada Madaxtooyada, warfaafinta iyo Hiddaha iyo Dhaqanka, midkood, amse loo tusmeeyo Mas’uul kale ee lagu yaqaan Cod-karnimo iyo fasaaxad, qoto dheer!!
Waa Billaahi tawfiiq
Qalinka: Xaaji Saalixi Al-Rashiidi)
