Fal-dambiyeedyada dilka ah ee ciidanka boolisku kula kacayaan dadka rayidka ah een hubka sidan shalay waxay ahayd curdin , daraadna ugub , saakana waa caado iyo wax aan lala nixin .
da siyaasiyiinta waxaad dareemaysaa in tiirarkii NABADGALYADA ee qarankani ugu muhiimsanaa ee xar galay , waxaynu ahayn Bulsho xaq darada iyo cadaalad xumada aad uga dhiidhisa , Bulsho firfircoon oon quudhsiga iyo tacadiga neceb ayeynu ahayn . Dawlad dhan, ciidan iyo cudud milatary ayeynu hadh cad jiidhnay sababo la xidhiidha tacdi iyo ciiil isbiirsaday ,
Maanta se waxay u eegtahay in aragtidaasi meesha ka baxday oo aynu ku mashquulnay wax aan sakaaro ka biiqsan . Shicibku ha i dambeyaane , Xisbiyada siyaasadda waxaynu uga baranay caado ah, dhacdo walba oo hoos marta xukumada in ay ka faidaystaan oo ay shicibka ku kiciyaan , una tllmaam mesha khaladku ka jiro . Maalin walba waxaynu ognahay in ay kharashaad , wakhti iyo dadaalba ku bixiyaan agaasinka shirar jaraaid oo ay xukumada ku dhaliilaan kolba xaalada siyasadeed ee jirta . Tusaale ahaa (shirka jaraaid ee hebel hebel u jawabaya, shirka jaraiid ee edaynta musuqmaqusa , shirka jaraaid ee diidmada mudo kordhinta IWM) Shirarkaasi oo intooda badan si adag ay xisbiyadu u hadlaan ilaa ay gaadho mararka qaar in ay MUDAHARAAD IYO KALE GUUR ku baqaan . Taasi oo ku tusinaysa heerka ay awoododu gaadhsisan tahay .
Hadii xaal sidaa yahay, Bal u soo noqo oo u fiirso doorka iyo muhiimada ay xisbiyada qaranku siiyaan ka hadalka , u doodida iyo la dagaalanka dilalka macno darada ah ee bulshada rayidka ah een hubka sidan lagu laynayo . dib u soo tiri kow , laba , saddex …. ilaa intaad doonto wad . Hal marna arki maysid xisbi siyaasadeed Mucaarid iyo muxaafid kuu dono ha ahaadee , oo Ahmiyad siinaya ka hadalka iyo ka murugoonta iyo u tacsiyeynta qoysaska ay dhibaatadu ku habsatay .
Hadda mar walba waxaad aragtaa “Siyaasi hebel oo si adag uga hadlay Hebel baa taliya iyo heblayaa talisa” ama “xisbi hebel oo ku baaqay mudaharaad hadii doorasho la qaban waayo” Walise ma aragtay iyaga oo misaankaas iyo culayskaas mid la mid ah siinaya ka hadalka dilalka Macno darada ah ee booliskeenu caadaysteen ? Anigu Ma sheegin Siyaasi hotel ka shaaxaynaya oo saxaafadu microphone ka hoos dhigtay . Waxaa aan ka hadlayaa Xisbi dhan oo abaabulan , siyasiyiin qiiraysan oo amakaag iyo anfariir ka muuqdo lana yaaban waxan dhacay , ka xun oo dhiigu dhaqaaqay ,
Ma sheegayo nin intuu Tv iska soo istago AFAR EREY idhaahda oo iska dhaqaaqa , Ma sheegayo nin Waxa uu leeyahay iyo dareenkiisu anay isla socon . oo isagoo tacsi iyo geeri ka hadlaya Madaxa iyo daanka xoqonaya Caajis iyo dananayn la,aanina ka muuqato .
Intaas oo dhan hadii aanan hayn , adna aanad hayn sow micnaheedu maaha in fariin cad laynoo dhiibay . sax Hadaba aan u soo noqdo shacabkiiye , Dadkaygoow isku duubni wadareed baa laynooga bahan yahay , Ma jiro qoys ama qof aanay meel uun iska soo galin ciidanka booliska , Hadii dowlada iyo cidii aynu dirsanay ay ANSHAX IYO ASLUUB midna bari wayday ciidankeeni , Inagu aynu is dirno oo qof walowba WALAALKAGA , INADEERKA , ABTIGAA AMA CIDDA EHELKAAGA AH ee ciidanka ku jirta u nasteexee , waani oo dareensii sida aad uga xuntahay waxa ay askartoodu samaynayn aynu qaadno olole hoose oo dardaaran iyo isku nasteexayn ah .
Ku kaca iyo la dagaalma xal ilama aha , xalku guryaheena ayuu ku jiraaa aynu u nasteexayno , saska iyo nacaybkan ay bulshada u qabaana aynu isu soo dhawaansho ugu badalno , Ileen dan baa tidhiye
Qalinkii Cabdicasiis Cali
