Akhriso Xogta iyo macluumaadka loo isticmaalay Fulinta Weerarkii lagu dilay Hoggaamiyihii Al-Shabaab Axmed Cabdi Godane
Hargeysa (SLpost)- Waxa markii u horeysay la shaaciyey Muuqaalka qaabkii loo fuliyey Weerarkii Maraykanku habeenimadii Isniinta ee Todobaadkii hore ku dilay Hoggaamiyihii Kooxda Al-Shabaab Axmed Cabdi Godane iyo saraakiil ka tirsan ururkaas wakhti ay ku sugnaayeen deegaan ku tirsan degmada Baraawe ee gobolka Shabeelaha Hoose ee Soomaaliya.
Wasaaradda Gaashaan-dhigga Maraykanka, ayaa Afar maalmood ka dib shaacisay geerida Marxuum Axmed Cabdi Godane ka dib markii ay la bartilmaameedsadeen gantaalo iyo bambooyinka meelaha fog-fog laga hago oo laga riday diyaaradaha aan duuliyaha Lahayn (Drones) ee Maraykanka.
Sarkaal u hadlay Aqalka Pentagon-ka Maraykanka, ayaa laga soo xigtay in Gaadhigii uu saarnaa Amiirkii Kooxda Al-Shabaab Axmed Godane uu saarnaa Telefoon nooca Gacanta ah (Mobile) oo bakhtiisnaa, kaas oo hagayey diyaaradda weerarka fulisay oo ahayn nooca aan Duuliyaha lahayn.
Waxa la Xaqiijiyey in Maraykanku hawl-galkaas ku bixiyey adduun Dhan 7 Milyan oo Dollar, iyada ooh ore Maraykanku lacagta intaas le’eg u ballan-qaaday cid kasta oo xog ama macluumaad ka siisa hoggaamiyaha Al-Shabaab.
HALKAN KA DAAWO