Berbera (SLpost)- Madaxweynaha Jamhuuriyadda Somaliland Md Axmed Maxamed Silaanyo, ayaa caawa ka qayb-galay munaasibad ballaadhan oo loo sameeyey furitaanka Shaybaadh Casri ah oo laga hirgeliyey Haamaha Keydka Shidaalka ee magaalada Berbera, kaas oo loogu talo-galay in lagu baadho tayada Shidaalka ay ganacsatadu dalka Keenaan.
Ka hor intii aanay bilaabmin Xafladda loogu dabbaal-degay furintaanka Shaybaadhka, ayaa madaxweynaha Somaliland si rasmi ah u furay Xarunta Shaybaadhka Haamaha Keydka Shidaalka ee Berbrea, waxaanu halkaas warbixinno kala duwan kaga dhegaystay khubaro muwaadiniin iyo Ajaanib isugu jirta oo ka hawl-galaya Xarunta Shaybaadhka oo loogu talo-galay in lagu ogaado shidaalka saxda ah iyo ka aan saxda ahayn ee dalka la keeno.
Intaas kaddib, waxa uu madaxweynuhu ka qayb-galay Xafladda oo lagu qabtay Barxadda hore ee Haamaha Keydka Shidaalka Berbera.
Madaxweyne Siilaanyo oo shalay gelinkii dambe socdaal ku tagay magaalada Berbera waxa safarkiisa ku wehelinayey Marwada 1aad, xubno ka mid ah golihiisa Wasiirrada, xildhibaanno iyo Taliyeyaasha Ciidamada Kala Duwan.
Halkan ka daawo SAwirrada
