Inaynu nahay addoomo ilaahay waynu wada ogsoonnahay balse waxa aad moodaa inaynaan hayn waddadii aynu ku xaqiijin lahayn adoonnimada alle (S.W.T), waqtigeeniiba waxa aynu ku qaadanay inaynu daba orodno magac , hanti ,iyo wax aan waxba inoo tarayn maalinta ay qorraxdu kulushahay ee dhididku hoorayo qof wal oo maalintaasi sugayso.
Waxa aad jeceshay inaad noloshan adduunyo ee gaaban aad ku noolato nolol dhandhan leh , aakhirana aad ku raaxaysato daarta lagu waarayo ee jannada.
Qofka cabsi hayso ee ka walwalsan naarta uu alle (S.W.T) inooga digay ee raba inuu ka nabad galo dhibaatada maalinta gabo-gabada aduunka kuna raaxaysto daarta lagu waarayo ee jannada ,waxa aad dhugataa waxyaabaha nabigeenii (N.N.K.H) uu inoo sheegay inay kuu horseedi karaan inaad jannada waaritaanka ku gasho.
Walaalkayga/walaashayda. muslinka ah waxa jira ilaa lixdan waxyaabood oo sodon (30) ka mida waxyaabahaa oo kuu horseedi kara jannada alle(S.W.T) waa kuwan ee dhugo walal isku day inaad naftaada ka adkaato oo aad barto lana qabsato oo ay noloshaada ka mid noqdaan.
1- weedha tawixiidka ee ah ( alle (S.W.T) mooyaane ma jiro ilaah xaq lagu caabudaa) inaad rumayso kuna dhawaaqdo waqti wal iyo goob walba.
2- In aad ilaahay (S.W.T) iyo rasuulkiisa(N.N.K.H) aad u hoggaan sanaato wixii wanaag ahna aad fasho.
3- Taqwada iyo alle kacabsiga ilaahay (S.W.T) inaad ku dadaasho.
4- Inaad ku toosnaato diinta ilaahay(S.W.T).
5-inaad ilaahay (S.W.T) iyo nabigeenii muxammad (N.N.K.H) iyo diinteena islaamka aad raali ka noqoto si dhabana u rumayso.
6-Inaad xifdido magacyada alle (S.W.T) ee saggaal iyo saggaashanka magac ah.
7-Inaad jeclaato suurada labo suuradood ka dambeeyaan qur’aanka ee la yidhaa Ikhlaas akhriskeedana aad joogtayso.
8-Inaad akhrisato suurada la yidhaa Tabaarig.
9-Inaad akhrisato salaadaha faralka ah kadib aayatul Kursiga suurada baqra aayadda 255.
10- inaad alle (S.W.T) dartii u dagaalanto kuna geertooyo.
11- In aad alle (S.W.T) u toobad keento.
12- In aad alle (S.W.T) dartii cilmi u doonato.
13- In aad dhisto masjid alle(S.W.T) lagu caabudo.
14- Inaad ku sifaysnaato dhaqan wanaagsan.
15- Inaad ka dheeraato istuska bini-aadamka .
16- Inaad ka dhawsanaato beeta xataa kaftankeeda.
17-Inay markasta waysadu kuu dhawrnaato , markastoo aad wayso qaadatana aad laba rakcadood alle (S.W.T) dartii u tukato.
18- Inaad tagto masaajidka si aad u soo gudato salaadaha faralka ah kana soo noqoto.
19-Inaad badiso ilaahay (S.W.T) dartii inaad u sujuudo.
20- Inaad aado xajka ood soo gudato hadii aad awoodo.
21- salaanta islaamka inaad faafiso,masaakiintana quudiso,qaraabadana aad xidhiidhiso, habeenkii dadku iyagoo hurdana aad salaatu layl tukato.
22-Inaad run sheeg noqoto ,balantana aad oofiso, ammaanadana aad siday tahay u guddo, xubintaada tarankana aad ilaaliso ,indhahaagana aad ka ilaaliso inaad ku fiiriso xaaraan , gacantaadana aanad wax ku dhibin .
