Hargeysa(SLpost)-Wajigii koowaad ee beebkii biyo balaadhinta Hargeysa ayaa la dhamaystiray waxaana haatan la bilaabayaa wajigii labaad, gudida arimaha bulshada ee golaha wakiilada ayaa soo indha indheeyay iyada oo shaqadu ay socoto, waxaana halkaas warbixin ku siiyay maareeyaha wakaalada biyaha Hargeysa Ibraahim Siyaad Yoonis waxaana hadaladiisa ka mid ahaa “Farxad ayey noo tahay in gudoomiyaha iyo ku xigeenka gudida arimaha bulshada ee golaha wakiiladu ay halkan nala joogaan iyga oo soo indho indheynaaya sida mashruuca biyo balaadhinta caasimada Hargeysa ay u socdaan xafiiska ayey saaka noogu yimadeen war bixin ku saabsan qaabka shaqada ayaynu siinay Ilaa hada waxaa dhamaadey waa qeybtii kowaad oo la dhameeyey 2 km Iyo 200 m Sabtidana waxaa la bilaabi doona qeybtii labaad qeybta saddexaad oo kor u socon doontana waa la dhagax dhigi doona hawshi ilaa hada si wacan eyey u socotaa.”
Sidoo kale waxaa isna dhinaciisa ka Hadley una mahad naqey mareeyaha gudoomiyaha gudida arimaha bulshada ee golaha wakiilada Somaliland xildhibaan Xassan Cawaale Ceynan waxaana hadaladiisii ka mid ahaa “Runtii mareeyuhu waxaa uu na soo mariyey goobo badan oo markaas biyo dhigis ah waxaa kale oo uu na soo mariyey qeybta kale ee ay yalaan qalabku, waxaa kale oo uu na soo mariyey goobihii la soo marinayey oo inta badan iminka la soo dhigay oo iminkana aanu dul taaganahay iyada oo la dhigaayo shaqale badana ay ka shaqeynayaan runtii aad iyo aadna waan ugu mahad naqeynaa mareeyaha wakaalada biyaha hargeysa oo hawshan xil weyn iska saaray.”
Biyo balaadhaintan Hargeysa ayaa la filayaa inayw ax weyn ka tari doonto biyo yaraanta ka taagan inta badan magaaladda.
Follow us On
