Hargeysa(SLpost)-Xildhibaan Maxamed Faarax Qabiile ayaa ku tilmaamay wareejinta haamaha shidaalka mid xaassaasi ah, isla markaasna aan gudbi karin golaha wakiilada la’aantii.
waxa uu xildhibaanku u soo jeediyay xukuumadda in aanu dalku ku ururin gacmaha inyar oo ganacsato ah waxaana uu arintan kaga hadlay maanta afaafka hore ee aqalka golaha wakiilada, waxaana isaga oo arimahan ka hadlaayay uu yidhi “Haamaha shidaalka heshiiska lagu kiraynaayo waa waajib in golaha wakiiladu uu helo, hadii ay xukuumaddu sidii kuwii hore uga dhaga adaygtana waxaanu leenahay waa arin aan golaha wakiilada la’aantii gudbikarin, hadii maamulka haamahu halkan noogu iman waayo waxa ku waajib ah gudida dabagalka hantida qaranku inay halkiisa ugu tagto, waxaanu ognahay in hada ay socoto hawsheedii laakiin aanay waxba dhamaystirmin, il foojigana waanu ku haynaa waana mid xaasaasi ah.”
