Washington (SLpost)- Wasiirka Arrimaha Dibadda Somaliland Dr. Maxamed Cabdilaahi Cumar ayaa maanta la kulmay xildhibaanno ka tirsan labada Aqal Maraykanka isaga oo kala hadlay arrimaha Aqoonsiga, dhaqaalaha, shaqo-abuurista.
Sidaa waxa lagu sheegay Warsaxaafadeed ka soo baxay xafiiska wasaaradda Arrimaha debedda Somaliland, isaga oo dhammaystiranna waxa uu u dhignaa sidan:
“Wasiirka arrimaha debedda JSL Dr. Maxamed Cabdilaahi Cumar oo socdaal dublamaasiyadeed oo ku wajahan sidii Somaliland loogu heli lahaa aqoonsi caalami ah ku jooga cariga Maraykanka ayaa kulamo la yeeshay saraakiil sarsare oo ka tirsan dawlada Maraykanka.
Dr. Omar & Senator
Wasiirka Arrimaha dibeddu waxa uu kulamadan la yeeshay Guddoomiyaha Gudida Africa u qaabilsan Aqalka Wakiilada Maraykanka Chris Smith oo ka tirsan xisbiga Republican-ka ee imika ka taliya Aqalka Wakiilada, xildhibaan Donald Payne oo ah Gudoomiye ku-xigeenka Gudida Africa u qaabilsan Aqalka Wakiilada kana tirsan xisbiga Democratic-ga, xildhibaan Keith Ellison oo ka tirsan xisbiga Democrat-ka.
Dhinaca Aqalka Senate-ka Maraykanka waxa uu wasiirku kulamo kala yeeshay Senator Christopher Coons, Guddomiyaha Gudida Africa ee Agalka Senate-ka kana tirsan xisbiga
Dr Omar and Representative
Democratka, Senator Johnny Guddoomiye Xigeenka Gudidaasi kana tirsan xisbiga Republicanka iyo Senator Mark Kirk oo ah Xubin ka mida Guddida Ansixisa Kharashka Dawlada Maraykanka oo ka tirsan xisbiga Republican-ka.
Dhamaanba Xildhibaanadaasi uu la kulmay wasiirku waxa uu kala hadlay sidii Somaliland looga caawin lahaa dhinacyada Aqoonsiga, Dimuqraadiyada, Nabadgelyada, Dhaqaalaha,shaqo abuurista iyo abaaraha ka jira Somaliland oo saamayn ku yeeshay dadweynaha Somaliland, waxaana ay dhamaantoodba masuuliyiintaasi niyad-samaan ka muujiyeen horumarka ay Somaliland ka gaadhay dhinaca nabadgelyada, dimuqraadiyada, iyo la dagaalanka budhcad-badeedda.
Waxay dhinacooda muujiyeen masuuliyiintaasi inay Somaliland ka caawin doonaan arrimahaasi uu wasiirku carrabaabay isla mar ahaantaana ay fari doonaan hay’ada USAID in la kordhiyo mucaawimadii la siin jiray Somaliland.”
Dr. Omar in USA
Waxay ahayd shalay markii uu wasiirku kulamo la yeeshay saraakiil, masuuliyiin ka tirsan macadka caalamiga ah ee IRI, hay’adaha horumarinta Maraykanka iyo kuwa arrimaha bulshada, kulankaas oo lagaga hadlay sidii loo kordhin lahaa horumarinta iyo dhaqaalaha lagu taageero Somaliland.
Booqashada Wasiirka ee Dalka Maraykanka ayaa ku soo beegmaysa xilli ay dalka joogaan qaadhaan-bixiyeyaasha Somaliland ka taageera dhanka doorashooyinka iyo horumarinta arrimaha bulshada, waxaanay kulamo la yeesheen madaxweynaha Jamhuuriyadda Somaliland Md. Axmed Maxamed Maxamuud (Siilaanyo) iyaga oo kala hadlay xaqiiqooyinka doorashooyinka dalka ku soo fool-leh iyo sidii loo hirgelin lahaa.
To provide the best experience, we use technologies like cookies information. Consenting to these technologies will allow us to process data such as browsing behavior or unique IDs on this site. Not consenting or withdrawing consent, may adversely affect certain features and functions.
Functional
Always active
The technical storage or access is strictly necessary for the legitimate purpose of enabling the use of a specific service explicitly requested by the subscriber or user, or for the sole purpose of carrying out the transmission of a communication over an electronic communications network.
Preferences
The technical storage or access is necessary for the legitimate purpose of storing preferences that are not requested by the subscriber or user.
Statistics
The technical storage or access that is used exclusively for statistical purposes.The technical storage or access that is used exclusively for anonymous statistical purposes. Without a subpoena, voluntary compliance on the part of your Internet Service Provider, or additional records from a third party, information stored or retrieved for this purpose alone cannot usually be used to identify you.
Marketing
The technical storage or access is required to create user profiles to send advertising, or to track the user on a website or across several websites for similar marketing purposes.
