Hargeysa, 13 February, 2012 (SLpost)- Wasiirka wasaaradda Caafimaadka Dr Xuseen Muxumed Maxamed (Xoog) ayaa shaaciyey inuu dalka ka bilaabmi doono Olilihii talaalka Carruurta ee Cudurrada Guud.
Wasiirka oo maanta Shir jaraa’id ku qabtay xafiiskiisa waxa uu Cadeeyay in hawl-wadeennada Caafimaadka ee Hawshan galayaa ay ololaha caafimaadka bilaabi doonaan 19.2.2012 kaa soo ka mid ahaa ku talagalka qorshayaasha horumarinta caafimaadka caruurta ee sannadka 2012ka.
Wasiirka wasaaradda caafimaadku waxa uu tilmaamay waajibaadka waalidka dusha ka saaran ee Illaahay ku eegayo ay ka mid tahay sida uu isaga xil saaro kor u qaadida baahiyaha ama daryeelka caafimaadka, waxbarashada iyo barbaarinta suuban.
Wasiirka oo hawl wadeenada fulinaya talaalka ka hadlaayey ayaa sheegay in loo sahlayo agabka ay goob kasta kaga hawl galayaan, iyagoo looga baahan yahay inay waalidka si degan u fahansiiyaan si ay adeega ubadka loo qabayaa ay kaalintooda ua qaataan waalidka ubadka dhalayna keenaan goobaha talaalka.
Wasiirku wuxuu hadalkiisa ku soo gebo-gebeeyey in talaalkani uu yahay mid lacag la’aan ah taas daraadeedna loo baahan yahay sidii fursadaas loogaga faa’iidayn lahaa ubadka .
SOMALILANDPOST NEWS
webmaster@somalilandpost.net