London (SLpost)- Ururka Somaliland Society UK oo ka dhisan dalka Britain isla markaana ka shaqeeya Danaha Somaliland iyo xidhiidhka labada dal ayaa 27 April doortay guddi cusub oo ururkaasi ka koobnaan doono.
Warsaxaafadeed ay gudigu ka soo saareen magaalada London ayaa lagu sheegay tirada iyo noocyada Guddiga ururkani ka kooban yahay ee la doortay, waxaanu war-saxaafadeedkaas oo dhammeystiran u dhignaa sidan:
“Xubnaha ururka SSUK oo shir gaar ah ku qabsadey galbeen London habeenkii Jimce (27/04/2012). Shirkan oo lagu laffo gurey arimo xasaasi ah oo ay ka mid ahayeen ansixinta iyo dhamaystirka wax kasta oo ka qabyo ah ururka si yoolka ururka iyo hamiga gudida suurto gasho. Hadaba hadii aan xog yar oo kooban idinka ka siiyo shirkasi siddii uu u dhacay iyo waxii ka soo baxayba. shirku waxa uu u dhacay si habsami ah, waxaana laysku raacay ama laysla qaatey go’aamo fara badan oo ay ka mid yihiin:
1. Ansixinta distoorka ururka oo diyaarintiis iyo kawada xaajoodkiisuba muddo qaatey oo la ansixiyay.
2. Ansixinta loga-da ururka oo la ansixiyay- logo-dan oo ka kooban calankii S/Land iyo SSUK ku qoran calanka korkiisa.
3. Ansixinta form-ka xubin nimada ururka iyo lacagta fiiga golaha oo la ansixiyey kuna cad distoorka ururka.
4. Waxaa mudan oo iyana goobtaa lagu ansixiyey Gudi rasmi oo dhamaan howlaha ururka tunka uridata waayo Gudidii hore ee ururka oo ahaa gudi ku meel gaadh ah oo la soo af jaray. Gudidan hadda la doortay oo si rasmi ah u wadi doonta howlaha ururka waxaana loo dhigay sidan:
- Gudoomiyaha cusub ee ururka ( Abdalla Salim)
- Gudoomiye ku xigeynka ururka ( Mahamed Jama Ismail- Shiine)
- Odeyga dhaqanka iyo anshaxa ururka ( Ugaas Harun Abdirahmaan)
- Xoghayaha ururka ( raaqiya Abdi)
- PRO ururka-Afhayeenka ( Elhaan xuseen)
- Dhaqaalaha ( Hodan Hussein)
- Memebers/xubno kale
Waxaan hadaba mahada Ebbe ee inoo suurto galiyey howlaha ka dib, u mahad calinayaa dhamaan Gudidii hore ee xilalka sidda ku meel gaadhka ah ugu haysay ururka, aad iyo aadna ugu hagar baxay siddii ay dalkooda iyo dadkoodaba wax u tari lahaayeen, iyagga oo tabaruc ku shaqaynaaya, waqtigooda iyo maalkoodana u hurey ururka. Waxaa leeyahay waad mahadsantihiin waanad gudateen xikiinii iyo waa ladin aamanaye cidi idinkuma soo orin.
Waxaa iyana qadarin muddan sidii sharafta lahayd ee ay dhamaan xubnihii xilalka hayey uga degeen uguna wareejiyeen xubnihii walaalohood ee loo doortey ama loo igmadey inay si rasmi ah ururka hogaankiisa qabtaan halkaana kasii wadaan. Waxaa ka mid ahaa xubnaha sharafta leh ee wareejiyey xilalkay hayeen Abdiraxman Allel oo ahaa Gudoomiyihii hore ee ku meelgaadhka ahaa, Said Sheekeye oo isna ahaa Gudoomiyihii ku xigeenkii hore ee ku meelgaadhka ahaa iyo xubno kale oo badan.
Nin xil qaadey eed qaad waxaa si xushmadi ku jirto iyana u gudoomay oo lagu wareejiyey gudoomiyanimadii ururka Abdalla Salim oo ah markiisii horeyba xubin aad iyo aad u firfircoonayd oo laysku raacey inuu hogaanka qabto isaga iyo Gudoomiye ku xigeenka cusub Mohamed Jama Ismail-Shiine.
Gudoomiyaha cusub Abdallah Salim iyo dhamaan gudida SSUK waxaan leeyahey hambalyo waxaanan idiin rajeyneynaa in hawsha Ilaahay idiin fududeeyo insha Allah.”
Gacmo wada jirbay wax ku gooyaan.
Alla mahad leh.
Guul iyo Gobanimo.
Gudida SSUK
