“Naayaadhaheen, Sacabka tuma la idin sii qaadye!!!)
-Naa ha na habaarin farihiibaa na casaaday’e
Dumarku ma dhegaystaan Hadalka Fagaaraha ay siyaasiyiintu ka jeediyaan ee sacabka ayuun bay garaacaan, Mashxaradanna way kaga salawaadiyaan. Bal haddaa u fiirsada wuxu nin kaasi ku hadlayo iyo waxa ay haweenku samaynayaan.
– Allaahu Akbar, Allaahu Akbar, Somaalilaan Hanoolaato. Ha jirto, Ha joogto. Gooni isu taaguna waa muqaddas.Maanta xaalada waddanku halka ay marayso waad aragtaan. Qaraabo kiilka, eexda, kaadida, iyo xaarka ayaynu la noolahay!!!)
“Deednna dumarkiibaa odhanaya sidan:
*Sacabka, ololog, ililig, waa geesigii aan godob lahayn, waa geesigii aan godob lahayn.Naa sacabka u tumma dee faruhu idinma go’aane! Bisinkee
-Haamihii shidaalka, wershaddii sibidhka, xadhkihii laydhka
iyo xero-jaadiiba habarjeclo ayaa ka iibisay imaaraadka carabta, xogtaasna cadaymaheeda haddii layga baahdo waan soo bandhigayaa!!!)
* Waa geesigii, aan godob lahaynn, waa geesigii aan godob lahaynn. Wallee,kani waa xalaal cun Sahara Giiraay?
” Maxaad tidhi Habaryarooy?
– Habo, nin kani waa daacad walee,wuu u qalmaa in loo codeeyyo.
-Waa mutacalin,jiitay oo waliba afarta luuqadood ee adduunka ugu sareeya lagu afgartana wuu laabay! Habaryarooy, ee dhegayso hadalkiisa!
” Been ku hadlimaayo oo ilaahaybaa sidaa igaga sareeya dumaroow’e
Keensheliyadii, googaradihii, iyo nigis yadii aydun xidhan jirteen cashuur Saa’ida ayay xukuumaddan fadhiidka ihi ku soo rogtay, walaahi iyo billaahi iyo tolaahi waa runtay idinkuna waydun arki doontaan.
– Bisinka, bisinka, oo markaa xukuumadu maa in aanu qaawanaanno ayay rabtaa maantaa la ba’ay!!!)
– Taasi miyaanay Sahara Giire ahayn, gambada cas madaxa ku xidhani?
” Waar waa iyadiiye, Caliyoow, habrowadaag bal ii waran wuu ku garanaayaba ismaan lahayne?
– Sahara naa walaalo, dirqi iyo tu xun baan kugu gartay, maxaa ku helay sawdigan qalalay sidii qori xaabo ah?
“Dee saw lama waynaann caliyoow?
– Habrowadaag xiitaa ilkahaagii quruxda badnaa sawkuwan kaa daatay, mee hilibkaagii? Mee joofkaagii iyo jinigaagii walaalo?
“Waar iska bukaan baan noqdaye, oo dhiikar, gaasteri iyo macaanba marbaan wada yeeshaye, adiga maxaa ku soo kadeeday maad England-taadii iska joogtid?
U baneeya, U baneeya Sucaad_Gabaydo ayaa timide, buraanbur keedii yaraa musharaxeena ha uga dhagsiisee!
Bisinkaann ku bilaabayaa buruudkiisee
Shaydaankaan buufinayaa fidmadiisee
Beesheenaann tilmaamayaa burjigeedee
Bilcan dumareey bud-dhigayga bal dhegaysta.
Cali baariyoow iska badhaqsanoow
Baqarad beer ku cayishay la moodyoow.
– Aabbo ma fiicantiin?
– Haa aabbo waa nabad.
– Hooyadiin maanta miyay maqantay?
– Aabbo meeshaa xisbiga lagu casuumay ayay hooyo soo daawanaysaa.
– Samiiraay?
– Hee Aabbo?
-U tagg oo hooyadaa u yeedh, oo aabbo ayaa ku doonaya ee kaalay naqadaysii ku dheh
– Haye Aabbo
– Big sii dhe, oo big soo dheh Aabbo?
– Umooy, Ummo, ee yaa hooyo?
– Naa hoow?
– Aabbo ayaa kuu yeedhaya! Oo xanaaqsan!
– Danihiisa ayuu u xanaaqsanyay, Aabbahaa ma isagaa na abuurtay, waa yeelkadiisa
– Hooyo inag keen meeshan, iskaga kaalay oo aabbo qadada sii wuu soo daalee!
– Sug, buraanburkaa Sucaad Gabaydo aan dhamayastee! Waynu tegaynaaye hooyo.
W/Q: Yusuf Xusni Suldaanguuleed.
