Paris (SLpost)- Ra’iisal-wasaaraha cusub ee dalka Faransiiska Jean Mark Ayrault ayaa dhammaystiray dhismaha xukuumaddiisa cusub, isaga oo xukuumadda ku soo daray wejiyo cusub iyo kuwo hore uga tirsanaan jiray xukuumadihii dalkaasi taladiisa u kala dambeeyey.
Mr Jean-Marc waxa uu jagada Wasiirka arrimaha dibadda u magacaabay Loran Fabyos oo hore Raysalwasaare uga soo noqday dalkaas, waxaanuu ka tirsan yahay xisbiga Hanti-wadaaga.
Waxa kale oo jagada wasiirka maaliyadda loo magacaabay Gudoomiyihii Ololaha doorashada ee Madaxweyne Fransua Holand, horena u ahaan jiray Wasiirkii arrimaha Yurub.
Ra’iisal-wasaare Jan Mark waxa kale oo uu u dhiibay jagada wasiirka difaaca Mr Jaan Lad-riyan, oo ah saaxiib ay aad isugu dhowyihiin madaxweyne Holand.
Sida muuqata, wasaaradaha aasaasiga ah ee xukuumadda cusub waxa hoggaaminaya Qolyaha Bidixda ee xisbiga talada ku guulaystay.
SLpost News/Hargeysa