Maxkamadda Gobalka Hargeysa Oo Xaraashaysa Fooqa Xawaaladii Qaran

Hargeysa(Slpost)-Maxkamadda gobalka Hargeysa ayaa go’aamisay in la xaraasho dhismaha fooqa ah ee lahayd xawaaladii qaran ee kacday, si lacagta lagu iibsado loo siiyo dadkii saamiga ku lahaa ee saamigooda ka galay Somaliland dhexdeeda.

nnn

maxkamadda gobalka Hargeysa ay hadda bilowday qiimaynta fooqaas, sida ugu dhaqsaha badana loo baahin doono qandaraas lagu xaraashayo dhismahaas. Waxa kale oo ay maxkamadu dadka saamiga ku leh ee ay xawaaladu lacagtoodii kala kacday ku soo koobtay  dadkii saamiga ka galay Somaliland dhexdeeda.

Warku, wuxuu sheegay in dhawaan maxkamadu madal furan oo loo simanyahay ay ku xaraashi doonto dhismahaas qaran oo ku yaala badhtamaha magaalada Hargeysa, waxaana ka qayb geli kara qandaraaskaas cid kasta oo doonaysa inay iibsato fooqaas, iyadoo maxkamadu madal loo simanyahay ku soo bandhigi doonta xaraashka dhismihii qaran.

Maamulka cusub ee maxkamadda ayaa dardar geliyay dhaqaajinta kiiskan xawaaladda qaran ka taagnaa, waxaanay maxkamadu tiro koobtay dadkii shirkadda daynta ku lahaa, kuwii lacagaha dhigtay iyo kuwii ay daynta shirkadu ku lahaydba. Sidoo kale maxkamadu waxay soo celisay lacag kiro ah oo laga qaadi jiray dhismahaas, kuwaas oo siyaabo khaldan ugu baxay saddex gacmood oo kala duwan.